Bugin Nursultan Nazarbaevtyń tóraǵalyǵymen «Nur Otan» partiiasynyń Saiasi keńesi Biýrosynyń otyrysy ótti. Bul týraly elbasy.kz saity habarlady.
Jiynda Elbasy sońǵy bes jyl ishinde partiia óziniń sailaý aldynda bergen ýádeleriniń basym bóligin oryndaǵanyn atap ótti.
«Fraktsiia otyrysynda «Nur Otan» partiiasynyń «Qazaqstan-2021: Birlik. Turaqtylyq. Jasampazdyq» atty sailaýaldy baǵdarlamasynyń oryndalýy týraly Úkimettiń esebi tyńdaldy. Pandemiiaǵa jáne soǵan bailanysty álemdik ekonomikanyń 4,4 protsentke, keibir damyǵan elderde 10 protsentke quldyraǵanyna qaramastan, biz tiimdi jumystyń jáne Ulttyq qor qarajatynyń arqasynda mundai kúrdeli jaǵdailardy ainalyp óte bildik», – dedi Nursultan Nazarbaev.
Qazaqstannyń Tuńǵysh Prezidenti sońǵy bir jyldyń ishinde partiia jumysyn qaita jandandyrý baǵytynda aýqymdy júieli jumys atqarylǵanyn atap ótti.
«Biz alǵash ret praimeriz ótkizdik. Sonyń nátijesinde aýdan, qala jáne oblys deńgeiindegi irikteýlerden ótken 77 kandidat Saiasi keńestiń sheshimimen Sezge usynylyp otyr. Búgin praimeriz tártibine sáikes, qalǵan 49 kandidatty ortalyq kvota boiynsha partiialyq tizimge qosý jóninde sheshim qabyldaimyz. Halyqtyń qatysýymen 216 óńirlik sailaýaldy baǵdarlama jan-jaqty talqylanyp, qabyldandy. Onda jurtshylyq tarapynan kelip túsken 17 myńnan astam usynys eskerildi», – dedi partiia Tóraǵasy.
Sondai-aq Elbasy praimerizge qatysýshylar men onda jeńiske jetken azamattarǵa toqtaldy.
«Praimerizge qatysýshylardyń úshten bir bóligi jáne partiialyq tizimge engen árbir besinshi adam – jastar ókili. Partiialyq tizimniń 30 protsentin áielder quraidy. Sonymen birge partiia tizimderinde kóp balaly analar, múmkindigi shekteýli jandar, biznes ókilderi, jumysshylar men qyzmetkerler bar. Praimerizge qatysqan partiianyń árbir úshinshi jańa múshesi jeńiske jetti. Osylaisha, biz «Nur Otan» partiiasynyń jumysyn júieli túrde qaita jandandyrýdy aiaqtadyq», – dedi Qazaqstannyń Tuńǵysh Prezidenti.
Biýro men Saiasi keńes otyrystarynyń nátijesinde 126 kandidattan quralǵan tizim «Nur Otan» partiiasynyń HH sezine usynylady.
