Qazaqstan Prezidenti Energetika ministri Qanat Bozymbaevty qabyldady, - dep habarlaidy "Ult aqparat" Aqordaǵa silteme jasap.
Memleket basshysyna energetika salasyn damytýdyń basty kórsetkishteri jáne osy sektordaǵy jobalardy odan ári jańǵyrtý josparlary týraly baiandaldy.
Kezdesý barysynda Elbasy energetikalyq shikizat óndirý jáne qaita óńdeý salasyndaǵy jobalardy iske asyrý qajettigine nazar aýdardy.
"Qashaǵanda munai óndirý jumystary bastaldy. Teńiz ken ornynyń aiasyn keńeitý týraly sheshim qabyldandy. Sonymen qatar, Qarashyǵanaqqa qatysty másele sheshimin tapty. Osyǵan bailanysty munai óndirý jáne ony qaita óńdeý kólemin arttyrý qajet. Bul úshin biz munai óńdeitin úsh zaýytty qaita jańǵyrtyp jatyrmyz", - dedi Nursultan Nazarbaev.
Sondai-aq, Qazaqstan Prezidenti gaz óndirý, eldi gazdandyrý jumystaryn júrgizýdiń, Balqash jylý elektr stansasynyń qurylysyna qatysty máselelerdi sheshýdiń, sondai-aq energetika salasyndaǵy nysandardy jekeshelendirýdiń mańyzdylyǵyn atap ótti.
Energetika ministri energiia resýrstaryn óndirý jónindegi jospardyń jekelegen kórsetkishter boiynsha artyǵymen oryndalǵany, sondai-aq 2016 jyldyń qorytyndysy boiynsha munai eksporty artqany týraly habarlady.
"Munaidy óndirý jospary 75,5 million tonna bolsa, óndirilgen munaidyń naqty kólemi 78 million tonnaǵa jetti. Qashaǵandaǵy munai óndirisi esebinen jospardyń artyǵymen oryndalǵany baiqalady, onda byltyr 1 million tonnaǵa jýyq munai alyndy. Munai eksportyn 62 million tonnaǵa deiin arttyrdyq, onyń 40 million tonnasy Kaspii qubyr konsortsiýmy arqyly tasymaldandy. Memleket qoldaýynyń arqasynda alǵash ret 325 myń tonna bitým qaita óńdeldi. Suiyq gaz óndirisiniń kólemi 136 tonnaǵa artty", - dedi Q.Bozymbaev.
Sonymen birge Energetika ministri Memleket basshysyna óndirýshiler men treiderler arasyndaǵy kelisim nátijesinde avtojúrgizýshiler qajettiligi úshin jetkiziletin suiyq gaz kólemin arttyrý, elektr energiiasyn eksporttaý jaǵdaiy, geologiialyq barlaý jumystaryn kúsheitý jónindegi josparlar, sondai-aq tutyný naryǵyndaǵy kúrdeli koniýnktýraǵa bailanysty ýran óndirý kólemin azaitý prespektivalary týraly baiandady.
Elbasy kezdesý qorytyndysy boiynsha birqatar naqty tapsyrma berdi.
.jpeg)