Órkendeý jolyna túsken Qazaqstanǵa eshqashan toqmeiilsýge, toqtaýǵa bolmaidy. QR Táýelsizdiginiń 30 jyldyǵyna arnalǵan saltanatty jiynda Elbasy Nursultan Nazarbaev osyndai oi aitty, dep habarlaidy QazAqparat.
«Ǵasyrlar boiy ata-babalar ulan baitaq jerdi aq bilektiń kúshimen, aq naizanyń ushymen qorǵap, bizge miras etti. Men sol ata-babalar amanatyna árdaiym adal boldym. «El basyna kún týsa, er etikpen sý kesher. Arǵymaqqa kún týsa, aýyzdyqpen sý isher» degen sóz bar. Jurtymnyń bolashaǵy úshin janymdy aiamadym. Búgin arada 30 jyl ótken soń sol asqaq armandarymnyń oryndalǵanyn kórý - men úshin zor baqyt. Jetken barlyq biikter - bizdiki jáne bárimizdiki. Ony eshkim de joqqa shyǵara almaidy», - degen Tuńǵysh Prezident orda buzar jasqa kelgen Qazaqstan bolashaqta qazirgiden de qýatty, áigili memlekettiń birine ainalatynyna senim bildirdi.
«Qazirgi kúni biz aldymyzǵa ozyq 30 eldiń qataryna qosylý jóninde erekshe maqsat qoiyp otyrmyz. «Armansyz adam – qanatsyz qus» degendei, órkendeý jolynda bizge eshqashan toqmeiilsýge, toqtaýǵa bolmaidy», - dedi Nursultan Nazarbaev.
