ٶركەندەۋ جولىنا تٷسكەن قازاقستانعا ەشقاشان توقمەيٸلسۋگە, توقتاۋعا بولمايدى. قر تەۋەلسٸزدٸگٸنٸڭ 30 جىلدىعىنا ارنالعان سالتاناتتى جيىندا ەلباسى نۇرسۇلتان نازارباەۆ وسىنداي وي ايتتى, دەپ حابارلايدى قازاقپارات.
«عاسىرلار بويى اتا-بابالار ۇلان بايتاق جەردٸ اق بٸلەكتٸڭ كٷشٸمەن, اق نايزانىڭ ۇشىمەن قورعاپ, بٸزگە ميراس ەتتٸ. مەن سول اتا-بابالار اماناتىنا ەردايىم ادال بولدىم. «ەل باسىنا كٷن تۋسا, ەر ەتٸكپەن سۋ كەشەر. ارعىماققا كٷن تۋسا, اۋىزدىقپەن سۋ ٸشەر» دەگەن سٶز بار. جۇرتىمنىڭ بولاشاعى ٷشٸن جانىمدى ايامادىم. بٷگٸن ارادا 30 جىل ٶتكەن سوڭ سول اسقاق ارماندارىمنىڭ ورىندالعانىن كٶرۋ - مەن ٷشٸن زور باقىت. جەتكەن بارلىق بيٸكتەر - بٸزدٸكٸ جەنە بەرٸمٸزدٸكٸ. ونى ەشكٸم دە جوققا شىعارا المايدى», - دەگەن تۇڭعىش پرەزيدەنت وردا بۇزار جاسقا كەلگەن قازاقستان بولاشاقتا قازٸرگٸدەن دە قۋاتتى, ەيگٸلٸ مەملەكەتتٸڭ بٸرٸنە اينالاتىنىنا سەنٸم بٸلدٸردٸ.
«قازٸرگٸ كٷنٸ بٸز الدىمىزعا وزىق 30 ەلدٸڭ قاتارىنا قوسىلۋ جٶنٸندە ەرەكشە ماقسات قويىپ وتىرمىز. «ارمانسىز ادام – قاناتسىز قۇس» دەگەندەي, ٶركەندەۋ جولىندا بٸزگە ەشقاشان توقمەيٸلسۋگە, توقتاۋعا بولمايدى», - دەدٸ نۇرسۇلتان نازارباەۆ.
