Elbasy Nursultan Nazarbaev Memlekettik kúzet qyzmetiniń jańa basshysyn taǵaiyndady, - dep habarlaidy "Ult aqparat" Aqordaǵa silteme jasap.
"Qanat Oryntaiuly Orazqulov Qazaqstan Respýblikasy Memlekettik kúzet qyzmetiniń bastyǵy bolyp taǵaiyndalsyn", - delingen resmi habarlamada.
Aita ketsek, Qanat Oryntaiuly Orazqulov 1970 jyly 27 qarashada Jambyl oblysy Moiynqum aýdany Fýrmanovka aýylynda týylǵan. 1993 jyly Qazaq aýyl sharýashylyq institýtyn «Orman sharýashylyǵy» mamandyǵy boiynsha bitirgen. 2002 jyly Ál-Farabi atyndaǵy Qazaq ulttyq ýniversitetin «Quqyqtaný» mamandyǵy boiynsha bitirgen.
Eńbek jolyn 1993 jyly Almaty oblysy Eńbekshiqazaq aýdanynyń Túrgen teri-orman sharýashylyǵy Esik ormanshylyǵynda maman bolyp bastaǵan.
1994 jylǵy mamyrda QR UQK organdaryna áskeri qyzmetke qabyldanǵan. 1994 jyldan 1997 jylǵa deiingi kezeńde QR UQK Almaty qalasy jáne Almaty oblysy boiynsha basqarmasynyń bólimshelerinde qyzmet ótkergen.
1997 jylǵy qazannan Qazaqstan Respýblikasy Prezidenti Kúzet qyzmetiniń kadr, saparlardy jáne QR Prezidenttiń jeke qaýipsizdigin qamtamasyz etý bólimshelerinde ártúrli ofitserlik jáne basshy laýazymdarda qyzmet ótkerýdi jalǵastyrǵan.
2009 jyly Qazaqstan Respýblikasy Prezidentiniń Ókimimen Qazaqstan Respýblikasy Prezidenti Kúzet qyzmeti bastyǵynyń orynbasary bolyp taǵaiyndalǵan.
2014 jylǵy sáýirde Qazaqstan Respýblikasy Prezidentiniń Ókimimen Qazaqstan Respýblikasy Memlekettik kúzet qyzmeti Bastyǵynyń orynbasary bolyp taǵaiyndaldy.
«Elbasy qorǵany» tósbelgisimen, «Jaýyngerlik erligi úshin» medalimen, QR Prezidentinen jáne QR Prezidenti Ákimshiliginiń basshysynan alǵystarmen, on eki medalmen, QR UQK Qurmet gramotasymen, QR PKQ alǵystarymen jáne gramotasymen marapattalǵan.
