Nursultan Nazarbaev Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaevty qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda Elbasyǵa agenttiktiń memlekettik qyzmet salasyndaǵy atqarǵan jumystary men sybailas jemqorlyqqa qarsy is-qimyl boiynsha qoldanylǵan sharalar jóninde esep berildi.
Nursultan Nazarbaevqa faktorly-balldyq tólem júiesiniń memlekettik qyzmetke engizilýi jónindegi pilottyq jobanyń iske asyrylý barysy týraly da baiandaldy.
Qazaqstan Prezidenti jemqorlyqqa qarsy kúrestiń tiimdiligin arttyrýdyń mańyzdylyǵyna erekshe nazar aýdaryp, tiisti aldyn alý sharalaryn júrgizý qajettigin aitty.
"Barlyq salada jemqorlyqqa qarsy kúres kúsheitilýge tiis. Birinshiden, tiisti monitoring júrgizip, memlekettik qyzmet kórsetýdi tsifrlyq formatqa kóshirý jumystaryn jalǵastyrý qajet. Ekinshiden, memlekettik qyzmetshilerdiń jalaqysy jónindegi máseleni sheshý kerek. Úshinshiden, basshylyqtyń jaýapkershiligin arttyrý mańyzdy", - dedi Memleket basshysy.
Kezdesý barysynda Alik Shpekbaev jemqorlyqqa qarsy saiasatty júzege asyrý jolynda qoldanylyp jatqan sharalar men ony halyqaralyq sarapshylar qoǵamdastyǵynyń baǵalaý nátijeleri týraly málimet berdi.
Kezdesý qorytyndysy boiynsha Nursultan Nazarbaev birqatar naqty tapsyrma berdi.
.jpeg)