Qazaqstannyń Tuńǵysh Prezidenti Nursultan Nazarbaev Majarstannyń Premer-Ministri Viktor Orbanmen kezdesti, dep habarlaidy "Ult aqparat" Aqordaǵa silteme jasap.
Elbasy Nursultan Nazarbaev Qazaqstan men Majarstan arasyndaǵy eki jaqty yntymaqtastyqty odan ári nyǵaitýdyń mańyzdylyǵyn atap ótti.
– Siz bizdiń elge óte erekshe kezeńde kelip otyrsyz. Qazaqstannyń Majarstanǵa jáne Ózińizge degen iltipaty zor. Siz – ózindik ustanymyńyz bar Eýropa saiasatkerisiz, – dedi Qazaqstannyń Tuńǵysh Prezidenti.
Viktor Orban tynyshtyq pen turaqtylyq jaǵdaiynda júzege asyrylǵan Qazaqstandaǵy bilik sabaqtastyǵyna joǵary baǵa berdi.
– Siz osyndai kúrdeli úderisti turaqtylyq jaǵdaiynda iske asyrdyńyz. Muny júzege asyrý ońai emes. Adamdar úshin turaqtylyqtyń mańyzy zor. Sonyń arqasynda halyqtyń ál-aýqaty arta túsedi. Sondyqtan, men Sizge shynaiy rizashylyǵymdy bildiremin. Biz Sizdi Majarstannyń naǵyz dosy sanaimyz. Sondyqtan, bizdiń elge shaqyrýymdy qabyl alsańyz, biz úshin zor mártebe bolar edi, – dedi Majarstannyń Premer-Ministri.
