قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ماجارستاننىڭ پرەمەر-مينيسترٸ ۆيكتور وربانمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
ەلباسى نۇرسۇلتان نازارباەۆ قازاقستان مەن ماجارستان اراسىنداعى ەكٸ جاقتى ىنتىماقتاستىقتى ودان ەرٸ نىعايتۋدىڭ ماڭىزدىلىعىن اتاپ ٶتتٸ.
– سٸز بٸزدٸڭ ەلگە ٶتە ەرەكشە كەزەڭدە كەلٸپ وتىرسىز. قازاقستاننىڭ ماجارستانعا جەنە ٶزٸڭٸزگە دەگەن ٸلتيپاتى زور. سٸز – ٶزٸندٸك ۇستانىمىڭىز بار ەۋروپا ساياساتكەرٸسٸز, – دەدٸ قازاقستاننىڭ تۇڭعىش پرەزيدەنتٸ.
ۆيكتور وربان تىنىشتىق پەن تۇراقتىلىق جاعدايىندا جٷزەگە اسىرىلعان قازاقستانداعى بيلٸك ساباقتاستىعىنا جوعارى باعا بەردٸ.
– سٸز وسىنداي كٷردەلٸ ٷدەرٸستٸ تۇراقتىلىق جاعدايىندا ٸسكە اسىردىڭىز. مۇنى جٷزەگە اسىرۋ وڭاي ەمەس. ادامدار ٷشٸن تۇراقتىلىقتىڭ ماڭىزى زور. سونىڭ ارقاسىندا حالىقتىڭ ەل-اۋقاتى ارتا تٷسەدٸ. سوندىقتان, مەن سٸزگە شىنايى ريزاشىلىعىمدى بٸلدٸرەمٸن. بٸز سٸزدٸ ماجارستاننىڭ ناعىز دوسى سانايمىز. سوندىقتان, بٸزدٸڭ ەلگە شاقىرۋىمدى قابىل الساڭىز, بٸز ٷشٸن زور مەرتەبە بولار ەدٸ, – دەدٸ ماجارستاننىڭ پرەمەر-مينيسترٸ.
