- Eýraziialyq Toptyń (ERG) quramyna kiretin «Qazaqstan elektroliz zaýyty» AQ Qazaqstan Respýblikasy Prezidentiniń «Altyn sapa» iegeri boldy.
Kásiporyn arnaiy «Sapa kóshbasshysy» marapatyna laiyqtaldy. Marapatty Qazaqstan Respýblikasynyń Prezidenti Nursultan Nazarbaev Indýstriialandyrý kúnine orailastyrylǵan telekópir sheńberinde ótkizilgen saltanatty rásimde kásiporyn qalaýshylarynyń biri Aleksandr Mashkevichke tabystady. Bul týraly kompaniianyń baspasóz qyzmetinen habarlady.
QEZ - Qazaqstan tarihyndaǵy jańa jáne iri indýstrialdy joba. Zaýyt elimizde alǵashqy jáne jalǵyz joǵary tańbaly bastapqy aliýminii óndirýshi.
Qazaqstan elektroliz zaýyty on jyl boiy halyqaralyq standarttarǵa sáikes keletin otandyq aliýminii óndirýde. Qazaqstan elektroliz zaýytynda óndirilgen bastapqy aliýminii resmi túrde London metall birjasynda tirkelingen - ol shyǵarylatyn ónimniń sapasyn dáleldeidi.
Zaýyt qurylysy 2005 jyly bastalyp, jáne 27 ai ishinde aiaqtalǵan edi. 2007 jyldyń qyrkúieginen bastap QEZ otandyq birinshi aliýminii shyǵardy. 2007 jyldyń aiaǵynda Qazaqstan elektroliz zaýyty 11 myń tonna biregei aliýminiidi jasap shyǵarǵan.
2010 jyldyń maýsym aiynda memleket basshysy Nursultan Nazarbaev ekinshi kezekti iske qosty jáne kásiporyn jobalyq qýattylyǵy jylyna 250 myń tonnaǵa shyqty. 2011 jyly zaýyt daiyn ónim kóleminde qazaqstandyq 251 myń tonna aliýminiidi óndirdi.
Qazaqstan elektroliz zaýyty iske qosylǵannan beri 1 866 627 myń tonna biregei aliýminii daiyndaldy.
20 kilogrammdyq A8 jáne A85 markaly aliýminii kesekterinen basqa, QEZ aliýminii óndirisine kerekti kúidirilgen anodtardyń qajetiligin qamtamasyz etedi. 2014 jyly Qazaqstan elektroliz zaýytynda jańa bólim - elektrodtardy óndirý tsehy ashylǵan edi. Ol Pavlodar oblysynyń aliýminii klasterin qalyptastyratyn taǵy da bir býyn.
Qazaqstan elektroliz zaýytynyń mamandarymen metaldyń ózindik qunyn azaitý jumysy turaqty túrde júrgizilip keledi. Osy jyly QEZ aliýminii óndirisindegi importtyq shikizattan jáne negizgi qurymynyń kóp bóliginen bas tartty. Qazirgi tańda shetel quima pishinderi almastyrýy óz máresine jetýde, endigi kezekte atalmysh quima pishinder Eýraziialyq Toptyń quramyna kiretin «Qazaqstan aliýminiii» AQ jasalýda. Al toqjoldaryn bizge «SSKÓB» AQ jetkizedi. Aita keterligi, jetkizilgen taýarlar importtyq taýarlardan esh aiymashylyǵy joq jáne olardan asyp túsedi desek te bolady. Oǵan qosa, ýaqyt óte kele reseilik óndirýshilerdiń ónimin aýystyratyn, aliýminii óndirisine qajetti pavlodarlyq munai koksi úderiske engizilýde.
Aleksandr Mashkevich - qazaqstandyq kásipker, milliarder, álemdegi eń iri Eurasian Resources Group (ERG) (burynǵy ENRC) munai óndirýshi kompaniiasy ielenýshileriniń biri.
Eske salaiyq, Astanada Elbasynyń qatysýymen Qazaqstan indýstrializatsiiasynyń ekinshi besjyldyǵy, "Nurly jol" memlekettik baǵdarlamasy men eldiń indýstrialdy-innovatsiialyq damýyn ilgerletýge arnalǵan jalpyulttyq telekópir júrip jatyr. Qazaqstan Prezidenti indýstrializatsiia aiasynda nysandardaǵy óndiris pen jobalar qurylysyna bastaý berdi.
Ult portaly
.jpeg)