Qazaqstannyń Tuńǵysh Prezidenti Nursultan Nazarbaev Qytai Halyq Respýblikasynyń Tóraǵasy Si Tszinpinmen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Nursultan Nazarbaev Si Tszinpinge qonaqjailyq kórsetkeni úshin rizashylyq bildirdi.
– Qazaqstan táýelsizdik alǵan kezden bastap, men sizdiń elińizben ózara túsinistik pen yntymaqtastyqtyń osyndai deńgeiine qol jetkizý úshin jumys istedim. Osy jyldar ishinde aramyzdaǵy barlyq ózekti máseleler sheshimin tapty. Biz shekaramyzdy belgilep, senimge negizdelgen dialogtyń deńgeiin kóterdik, – dedi Nursultan Nazarbaev.
Elbasy ekonomikanyń túrli sektorlaryndaǵy qatynastardyń joǵary qarqynmen damyp kele jatqanyn atap ótti.
– Qytai memleketi Qazaqstan úshin kórshiles el jáne ekonomikalyq seriktes qana emes, sonymen birge senim artyp, tirek sanaityn bizdiń jaqyn dosymyz, – dedi Qazaqstannyń Tuńǵysh Prezidenti.
