قازاقستاننىڭ تۇڭعىش پرەزيدەنتٸ نۇرسۇلتان نازارباەۆ قىتاي حالىق رەسپۋبليكاسىنىڭ تٶراعاسى سي تسزينپينمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا نۇرسۇلتان نازارباەۆ سي تسزينپينگە قوناقجايلىق كٶرسەتكەنٸ ٷشٸن ريزاشىلىق بٸلدٸردٸ.
– قازاقستان تەۋەلسٸزدٸك العان كەزدەن باستاپ, مەن سٸزدٸڭ ەلٸڭٸزبەن ٶزارا تٷسٸنٸستٸك پەن ىنتىماقتاستىقتىڭ وسىنداي دەڭگەيٸنە قول جەتكٸزۋ ٷشٸن جۇمىس ٸستەدٸم. وسى جىلدار ٸشٸندە ارامىزداعى بارلىق ٶزەكتٸ مەسەلەلەر شەشٸمٸن تاپتى. بٸز شەكارامىزدى بەلگٸلەپ, سەنٸمگە نەگٸزدەلگەن ديالوگتىڭ دەڭگەيٸن كٶتەردٸك, – دەدٸ نۇرسۇلتان نازارباەۆ.
ەلباسى ەكونوميكانىڭ تٷرلٸ سەكتورلارىنداعى قاتىناستاردىڭ جوعارى قارقىنمەن دامىپ كەلە جاتقانىن اتاپ ٶتتٸ.
– قىتاي مەملەكەتٸ قازاقستان ٷشٸن كٶرشٸلەس ەل جەنە ەكونوميكالىق سەرٸكتەس قانا ەمەس, سونىمەن بٸرگە سەنٸم ارتىپ, تٸرەك سانايتىن بٸزدٸڭ جاقىن دوسىمىز, – دەدٸ قازاقستاننىڭ تۇڭعىش پرەزيدەنتٸ.
