Nursultan Nazarbaev Qazaqstan halqynyń jáne jeke óziniń atynan Si Tszinpindi Qytai Halyq Respýblikasynyń Tóraǵasy laýazymyna qaita taǵaiyndalýymen quttyqtady, dep habarlaidy Aqorda.
Qazaqstan Prezidenti bul oqiǵany eldiń ulttyq múddesin ilgeriletý isine zor úles qosqan Si Tszinpinge Qytai halqynyń joǵary baǵasy retinde atap ótti.
"Qytai Sizdiń basshylyǵyńyzben ortasha aýqatty qoǵam qurý jolynda budan da biik shyńdardy baǵyndyratynyna senimdimin. Keleshekte Qazaqstan men Qytaidyń túrli salalardaǵy strategiialyq áriptestigi qarqyndy dami beretinine jáne halyqtarymyzdyń dostyǵy odan ári nyǵaia túsetinine esh kúmánim joq. Osyǵan orai ózara senim men túsinistikke negizdelgen bizdiń jeke dostyǵymyzdyń mańyzy erekshe. Aramyzdaǵy qarym-qatynastarymyz ben birlesken jumysymyz keleshekte Astana men Pekinniń jemisti yntymaqtastyǵynyń berik tiregi bolatynyna kámil senemin", – delingen jedelhatta.
Nursultan Nazarbaev Si Tszinpinge zor densaýlyq, baq-bereke tilep, dostas Qytai halqynyń órkendeýi men damýyna niettestik bildirdi.
