Qazaqstan Prezidenti Nursultan Nazarbaev Qyrǵyz Respýblikasynyń Syrtqy ister ministri Erlan Abdyldaevpen kezdesti, - dep habarlaidy Ult.kz tilshisi Aqordaǵa silteme jasap.
Kezdesý barysynda Qazaqstan men Qyrǵyzstannyń ózara is-qimylynyń basty baǵyttary jáne eki eldiń birlesken jumysynyń aldaǵy perspektivaly salalary talqylandy.
Sonymen qatar, taraptar óńirlik jáne halyqaralyq kún tártibindegi ózekti jaittar jóninde pikir almasty.
Nursultan Nazarbaev Qazaqstan men Qyrǵyzstandy tarihi dostyq jáne tyǵyz yntymaqtastyq bailanystyryp otyrǵanyn atap ótti.
"Elderińiz bizdiń jaqyn kórshimiz ári seriktesimiz bolyp sanalady. Aramyzda eshqandai sheshilmegen másele bolmaýǵa tiis jáne qarym-qatynasymyz basqalarǵa úlgi bolýy kerek. Álemdegi kúrdeli ekonomikalyq jáne saiasi ahýaldy eskere otyryp, birge bolýymyz qajet", - dedi Qazaqstan Prezidenti.
Abdyldaev Qyrǵyzstan Prezidenti Almazbek Atambaevtyń sálemin jetkizip, ekijaqty yntymaqtastyqtyń odan ári nyǵaia beretinine senim bildirdi.
.jpeg)