Memleket basshysy "Atameken" ulttyq kásipkerler palatasynyń basshylyǵyn qabyldady, - dep habarlaidy "Ult aqparat" Aqordaǵa silteme jasap.
Kezdesýde Qazaqstan Prezidentine Ulttyq palatanyń 2016 jylǵy jumysynyń qorytyndylary, respýblikalyq biznes qoǵamdastyǵynyń damýy, sondai-aq aldaǵy kezeńge arnalǵan josparlar týraly prezidiým tóraǵasy Timýr Qulybaev pen basqarma tóraǵasy Abylai Myrzahmetov baiandady.
Elbasy biznesti qoldaý jóninde Úkimet maqsatty túrde turaqty jumys júrgizip otyrǵanyn atap ótti.
"Zańnamalyq aktilerge der kezinde ózgerister engizý baǵytynda júieli jumystar júrgizilýde, tekserýshi mekemeler sany qysqartyldy, josparly tekserister alynyp tastaldy. Kásipkerler zańnamalyq úderisterge belsene atsalysyp keledi, bul eldiń ishki jalpy ónimindegi biznestiń úlesin arttyrýǵa yqpal etýge tiis", - dedi Nursultan Nazarbaev.
Sondai-aq, Qazaqstan Prezidenti eldegi kásipkerlikti damytý úshin memleket qabyldap jatqan sharalarǵa biznes ókilderi tarapynan laiyqty qaitarym bolýǵa tiis ekenine nazar aýdardy.
"Memleket tarapynan kórsetilgen qamqorlyq pen qoldaýǵa biznestiń jaýap beretin kezi keldi. Azamattardy kásipkerlik salasyna turaqty túrde tartyp, el ekonomikasyndaǵy olardyń úlesin arttyrý úshin jumys júrgizý qajet", - dedi Memleket basshysy.
Palata basshylyǵy qazirgi ýaqytta shaǵyn jáne orta biznes úlesi ishki jalpy ónimniń 25 paiyzyn qurap, onda 3 millionnan astam adam jumys istep jatqanyn málimdedi. 2016 jyly 11,2 trillion teńgeniń ónimi óndirilgen, bul - 2015 jylǵy kórsetkishpen salystyrǵanda 6 paiyzǵa artyq.
Sonymen birge, basqarma tóraǵasy Elbasynyń tapsyrmasy boiynsha ruqsat berý jáne baqylaý-qadaǵalaý salasynda reviziialyq jumys júrgizilip jatqanyn atap ótti. Onyń nátijesinde ruqsat berý qujattary aitarlyqtai azaitylyp, josparly tekserister alynyp tastaldy.
"Bas prokýratýramen, Parlament depýtattarymen birlesip, qazir shaǵyn jáne orta biznes qyzmetiniń túrli salasyndaǵy sanitarlyq-epidemiologiialyq talaptardy qaita qarastyrýdamyz", - dedi Abylai Myrzahmetov.
Budan bólek, Ulttyq palata basshylyǵy otandyq kásipkerlerdiń jumysyn ońtailandyrý jáne tiimdirek ete túsý úshin mobildi qyzmetter qalyptastyrýǵa qatysty júrgizilip jatqan jumystar týraly baiandady.
Nursultan Nazarbaev kezdesý qorytyndysy boiynsha birqatar naqty tapsyrma berdi.
Tolyǵyraq: https://kaz.tengrinews.kz/kazakhstan_news/nazarbaev-kulyibaevpen-jane-myirzahmetovpen-kezdest-276730/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
.jpeg)