Qazaqstannyń Tuńǵysh Prezidenti Nursultan Nazarbaev qazaqstandyqtardy 1 mamyr – Qazaqstan halqynyń birligi kúnimen quttyqtady, dep habarlaidy "Ult aqparat" elbasy.kz saityna silteme jasap.
***
Qymbatty otandastar!
Sizderdi 1 mamyr – Qazaqstan halqynyń birligi merekesimen quttyqtaimyn!
Bul kún barshamyz úshin tatýlyq pen kelisimniń, patriotizmniń simvoly bolyp sanalady.
Táýelsizdiktiń otyz jyly ishinde elimiz qol jetkizgen barlyq jetistikter – Otanymyzdyń taǵdyry úshin ortaq jaýapkershilik sezine bilgen kúlli qazaqstandyqtardyń bereke-birliginiń kórinisi.
Kópultty halqymyzdyń myzǵymas dostyǵy Qazaqstan memlekettiliginiń basty tireginiń birine ainaldy.
Bizdiń maqsatymyz – qajyr-qairatymyz ben erteńgi kúnge degen senimniń bastaýy bolǵan el birligin budan da ári kózdiń qarashyǵyndai qorǵaý.
Tek tatýlyqtyń arqasynda ǵana biz basymyzǵa túsken synaqtardan súrinbei ótemiz.
Qazaqstan halqynyń yrysty yntymaǵy árdaiym jańa belesterdi baǵyndyrýǵa jol ashady dep kámil senemin.
Barshańyzǵa zor densaýlyq pen baq-bereke tileimin!
