قازاقستاننىڭ تۇڭعىش پرەزيدەنتٸ نۇرسۇلتان نازارباەۆ قازاقستاندىقتاردى 1 مامىر – قازاقستان حالقىنىڭ بٸرلٸگٸ كٷنٸمەن قۇتتىقتادى, دەپ حابارلايدى "ۇلت اقپارات" elbasy.kz سايتىنا سٸلتەمە جاساپ.
***
قىمباتتى وتانداستار!
سٸزدەردٸ 1 مامىر – قازاقستان حالقىنىڭ بٸرلٸگٸ مەرەكەسٸمەن قۇتتىقتايمىن!
بۇل كٷن بارشامىز ٷشٸن تاتۋلىق پەن كەلٸسٸمنٸڭ, پاتريوتيزمنٸڭ سيمۆولى بولىپ سانالادى.
تەۋەلسٸزدٸكتٸڭ وتىز جىلى ٸشٸندە ەلٸمٸز قول جەتكٸزگەن بارلىق جەتٸستٸكتەر – وتانىمىزدىڭ تاعدىرى ٷشٸن ورتاق جاۋاپكەرشٸلٸك سەزٸنە بٸلگەن كٷللٸ قازاقستاندىقتاردىڭ بەرەكە-بٸرلٸگٸنٸڭ كٶرٸنٸسٸ.
كٶپۇلتتى حالقىمىزدىڭ مىزعىماس دوستىعى قازاقستان مەملەكەتتٸلٸگٸنٸڭ باستى تٸرەگٸنٸڭ بٸرٸنە اينالدى.
بٸزدٸڭ ماقساتىمىز – قاجىر-قايراتىمىز بەن ەرتەڭگٸ كٷنگە دەگەن سەنٸمنٸڭ باستاۋى بولعان ەل بٸرلٸگٸن بۇدان دا ەرٸ كٶزدٸڭ قاراشىعىنداي قورعاۋ.
تەك تاتۋلىقتىڭ ارقاسىندا عانا بٸز باسىمىزعا تٷسكەن سىناقتاردان سٷرٸنبەي ٶتەمٸز.
قازاقستان حالقىنىڭ ىرىستى ىنتىماعى ەردايىم جاڭا بەلەستەردٸ باعىندىرۋعا جول اشادى دەپ كەمٸل سەنەمٸن.
بارشاڭىزعا زور دەنساۋلىق پەن باق-بەرەكە تٸلەيمٸن!
