Nursultan Nazarbaev Qazaqstan halqy assambleiasynyń XXV sessiiasy barysynda qoǵamdyq sanany ózgertýdiń ekonomikalyq jáne saiasi jańǵyrtýlarǵa qaraǵanda kúrdelirek bolatynyn aitty, - dep habarlaidy "Ult aqparat" kaz.tengrinews.kz portalyna silteme jasap.
"Biz memlekettiń júieli túrde damýyn qamtamasyz ettik - ekonomikalyq jańǵyrtý, saiasi jáne qoǵamdyq sanany jańǵyrtý. Alǵashqy eki jańǵyrtý ońai emes. Biz úshin qoǵamnyń rýhani damýy men qoǵamdyq sanany jańǵyrtý eń kúrdeli másele bolmaq. Adamdy sheber bolýǵa, kásipqoi maman bolýǵa úiretýge bolady, biraq adamnyń sanasyn ózgertý budan da qiyndaý. Adamdardy ózgerýge úiretý, olardy jańa dúnielerge jáne básekege qabiletti bolýǵa úiretý qiynǵa soǵady", - dedi Prezident.
Sondai-aq, Nursultan Nazarbaev Qazaqstan halqy assambleiasynyń XXV sessiiasynyń erekshe mańyzy bar ekenin aityp ótti.
"Biyl bizdiń jumysymyzdyń alǵa qoiǵan birinshi jospary - júieli túrde jańǵyrtý. Birinshiden, meniń "Jańǵyrtý 3.0" atty joldaýymda ekonomikamyzdy zamanaýi talaptarǵa sai etý kerektigi aitylady. Ekonomikany damytý, innovatsiia men tehnologiialar, robottandyrý. Elmen qatar bolý, olardan qalyp qoimaý. Ekinshiden, saiasi jańǵyrtý. Onda ókilettikter berilip, parlament pen úkimettegilerdiń róli artty, konstitýtsiialyq reforma júrgizildi. Bul memlekettik bilikti álsiretý úshin istelgen joq, kerisinshe turaqtylyq úshin jasalyp otyr", - dedi Memleket basshysy.
Aita keteiik, búgin Qazaqstan Prezidenti Nursultan Nazarbaevtyń qatysýymen Qazaqstan halqy assambleiasynyń XXV sessiiasy ótip jatyr. Kún tártibinde: "Turaqtylyq, birlik, kelisim - jańǵyrtý negizi". Cessiiaǵa barlyq óńirdegi assambleia ardagerleri men músheleri, respýblikalyq jáne óńirlik etno-mádeni qaýymdastyqtardyń tóraǵalary, Parlament depýtattary, ortalyq atqarýshy organdardyń basshylary, saiasi partiialardyń músheleri, dini uiymdardyń ókilderi, ǵylymi jáne shyǵarmashylyq ziialy qaýym ókilderi qatysyp jatyr.
.jpeg)