Nursultan Nazarbaev HI Astana ekonomikalyq forýmyna kelgen sheteldik jetekshi sarapshylarmen kezdesti, dep habarlaidy "Ult aqparat" Aqordaǵa silteme jasap.
Dóńgelek ústel formatynda ótken kezdesý barysynda ekonomikalyq damýdyń jáne saýda qatynastarynyń jahandyq úrdisteri, «jasyl» ekonomikaǵa kóshý, balamaly energiia kózderin paidalaný, Qazaqstannyń kólik-tranzit áleýetin damytý jáne ekonomikany tsifrlandyrý máseleleri talqylandy.
Kezdesýde Estoniianyń burynǵy Prezidenti Toomas Ilves ulttyq ekonomikany tsifrlandyrý tájiribesi jóninde aityp, tsifrlyq ekonomikaǵa tiimdi kóshý úshin saiasi erik-jigerdiń bolýy mańyzdy ekenine toqtaldy. T.Ilves tsifrlyq qyzmetter kórsetýdi damytýdyń, jeli qoldanýshylarynyń tsifrlyq saýattylyǵyn arttyrýdyń jáne aqparattyq qaýipsizdikti qamtamasyz etýdiń mańyzdylyǵyn atap ótti.
Dúniejúzilik saýda uiymy bas direktorynyń orynbasary Alan Volf halyqaralyq elektrondy saýda júiesin damytýdyń qazirgi ahýaly men perspektivalary jóninde áńgimeledi.
Eýropa qaita qurý jáne damý bankiniń birinshi vitse-prezidenti Iýrgen Rigterink Qazaqstan ekonomikasynyń ósimin jáne onyń qaita qurylyp kele jatqanyn atap ótip, elimizdiń kólik-tranzit áleýetin, agroónerkásip kesheni men «Astana» halyqaralyq qarjy ortalyǵynyń múmkindikterin paidalanýdyń mańyzdy ekenin aitty.
Birikken Ulttar Uiymy Saýda jáne damý jónindegi konferentsiiasynyń Bas hatshysy Mýhisa Kitýii Qazaqstandaǵy kedendik deklaratsiialaýdyń jeńildetilýi esebinen qol jetkizilgen oń nátijelerge toqtaldy.
Beibitshilik jónindegi Nobel syilyǵynyń laýreaty Radjendra Kýmar Pachaýri klimat ózgeristeri nátijesinde týyndaǵan problemalarǵa toqtalyp, «jasyl» tehnologiialardy damytýdyń jáne keńeitýdiń mańyzdylyǵyn atap ótti. Radjendra Kýmar Pachaýri Astanada ótken halyqaralyq «EKSPO-2017» mamandandyrylǵan kórmesiniń taqyryby men onyń naqty nátijeleriniń ózektiligine nazar aýdardy.
Beibitshilik jónindegi Nobel syilyǵynyń laýreaty Rae Kvon Chýng ta «jasyl» ekonomikaǵa kóshýdiń qajettigin aityp, balamaly energiia kózderin qoldanýdyń jaǵymdy tustaryn atap ótti.
«DP World» kompaniiasy basqarmasynyń tóraǵasy Sultan Ahmed bin Sýlaiem logistikalyq jobalardy iske asyrý salasyndaǵy yntymaqtastyqty odan ári nyǵaita túsýge múddelilik tanytty. Sultan Ahmed bin Sýlaiem Aqtaý qalasyndaǵy port pen «Qorǵas» shekara mańy yntymaqtastyǵy ortalyǵyn paidalanýdyń tiimdiligi jóninde aitty.
Doktor Entoni Taýnsend «aqyldy qalalardy» damytý jáne qalalardy basqarý úderisinde jasandy intellekt tehnologiialaryn qoldaný jónindegi oiyn ortaǵa saldy.
Álemniń jetekshi sarapshylarynyń baiandamalary tyńdalǵan soń Qazaqstan Prezidenti jiynǵa qatysýshylarǵa Astana ekonomikalyq forýmyna qatysqany jáne dóńgelek ústel otyrysynda aitqan ideialary úshin rizashylyq bildirdi.
– Eýropada Davos forýmy, bizde Astana ekonomikalyq forýmy, al Tynyq muhitynyń jaǵalaýynda Boao Aziia forýmy bar. Bul forýmdar bir ǵana maqsatty – qalyptasqan ahýaldan shyǵý jolyn izdeýdi kózdep otyr. Biz álemdik forýmdardyń bárimen yntymaqtastyq ornatyp, memleketter men halyqtardyń igiligi úshin jumys istegimiz keledi. Bul – damý, ilgerileý jáne túsinistik múmkindigi, – dedi Memleket basshysy.
Nursultan Nazarbaev jiynǵa qatysqan sarapshylardyń bári Astana ekonomikalyq forýmynyń bedelin nyǵaitýǵa jáne ony damytýǵa úles qosqanyn atap ótti.
Memleket basshysy Qazaqstannyń damý tarihyna toqtalyp, elimizde etnosaralyq jáne ultaralyq kelisimdi saqtaý jáne nyǵaitý jolynda atqarylǵan jumys tájiribesi jóninde aitty.
– Biz Konstitýtsiiada, zańnamalyq deńgeide jáne is júzinde barlyq azamattar quqyqtarynyń teńdigin qamtamasyz ettik. Qazaqstanda barlyq dini konfessiialardyń ókilderi turady. Olarǵa dini nanym-senim bostandyǵy berilgen. Dástúrli dinderdiń álemdik kóshbasshylary ózderiniń sezderin dál osy Astanada ótkizýge sheshim qabyldady. Biyl kezekti VI sezd ótkeli otyr, – dedi Qazaqstan Prezidenti.
Nursultan Nazarbaev Qazaqstannyń barlyq kórshiles eldermen dostyq jáne áriptestik qarym-qatynas ornatqanyn atap ótti.
Memleket basshysy elimizdegi barlyq azamattardyń turmysyn jaqsartýǵa baǵyttalǵan sharalardyń arqasynda bizdiń qoǵamda turaqtylyq pen kelisimge qol jetkizilgenin aitty.
– Táýelsizdik jyldarynda ekonomikamyz 25 ese ósti. Jan basyna shaqqanda ishki jalpy ónim 12 myń AQSh dollaryna jetti. Endi Ulttyq qorda jinaqtalǵan qarjynyń arqasynda infraqurylymdyq jáne indýstrialdyq damý, sondai-aq bilim berý men densaýlyq saqtaý salalaryna arnalǵan baǵdarlamalardy júzege asyryp kelemiz. Elimizde ómir súrý uzaqtyǵy 7 jylǵa uzardy. Bizdiń jas urpaǵymyz bilimdi jáne órshil maqsatpen bolashaqqa kóz tigemiz, – dedi Qazaqstan Prezidenti.
Sońynda Qazaqstan Prezidenti Astana ekonomikalyq forýmyna qatysýshylarǵa taǵy da rizashylyq bildirip, olardyń usynystary men ideialary elimizdi odan ári damytý úshin mańyzdy ekenin atap ótti.
