- Elordada Qazaqstan Prezidenti Nursultan Nazarbaevtyń qatysýymen Astana klýbynyń ekinshi otyrysy bastaldy, dep habarlaidy Ult.kz tilshisi QazAqparat agenttigine silteme jasap.
Halyqaralyq deńgeidegi sharaǵa álemniń 50-den astam sarapshysy, saiasi jáne qoǵam qairatkerleri, 21 eldiń ǵalymdary, sonymen birge jetekshi qazaqstandyq sarapshylar qatysýda.
Aita keterligi, klýb otyrysy keshe bastalǵan bolatyn. Ol kúni sarapshylar óńirdegi elderdiń ustanymy, ekonomikalyq damý, infraqurylym, resýrstyq sektor problemalary, adam kapitalyn damytý jáne ózge de ózekti máselelerdi jan-jaqty talqylaǵan-dy. Al búgin halyqaralyq sarapshylar Memleket basshysymen kezdesýde. Erteń jáne odan arǵy kúni klýb otyrysyna qatysýshylar «Eýraziia toǵysynda: Óńirlik probelmalarǵa negizgi álemdik oiynshylardyń kózqarasy», «Eýraziia resýrstary: «Altyn ǵasyrdyń» sońy ma?», «Eýraziia adamdary: turaqsyzdyq kózi me álde bailyq kózi me?» syndy sessiialarda Eýraziia óńirine qatysty ózekti máselelerdi jan-jaqty talqylamaq.
Astana klýby QR Tuńǵysh Prezidenti - Elbasy qorynyń jetekshi halyqaralyq ǵylymi ortalyqtar Qytai qazirgi zamanǵy halyqaralyq qatynastar akademiiasy, Germaniia syrtqy saiasat keńesi, Resei halyqaralyq ister keńesi jáne Halyqaralyq beibitshilik úshin Karnegi qorymen birlesip qurǵan halyqaralyq pikirtalas alańy sanalady.
Astana klýbynyń birinshi otyrysy 2015 jylǵy qarashada álemniń 15 elinen kelgen 47 sarapshynyń qatysýymen ótken edi. Onyń barysynda Eýraziia geoekonomikasynyń negizgi aspektileri, ǵalamdyq jáne óńirlik oiynshylardyń múddeleri, ekonomikalyq qaýip-qaterler men múmkindikter máseleleri talqylanǵan bolatyn.
.jpeg)