«Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy Nursultan Nazarbaev «Qazatomónerkásip» ulttyq atom kompaniiasy» aktsionerlik qoǵamy basqarmasynyń tóraǵasy Ǵalymjan Pirmatovty qabyldady, dep habarlaidy "Ult aqparat" elbasy.kz-ke silteme jasap.
Kezdesýde Nursultan Nazarbaevqa ulttyq kompaniianyń byltyrǵy jumysynyń negizgi nátijeleri men qazirgi qyzmeti týraly aqparat berildi.
Ǵ.Pirmatovtyń aitýynsha, «Qazatomónerkásip» ulttyq kompaniiasy óziniń atom salasyndaǵy senimdi seriktes ári otyn jetkizýshi mártebesin nyǵaityp, eń iri tabiǵi ýran satýshy retindegi ornyn saqtap qaldy. Jahandyq pandemiianyń syn-qaterlerine qaramastan, kompaniia 2020 jylǵa josparlanǵan barlyq kórsetkishterge qol jetkizdi, keibireýi boiynsha jospar asyra oryndaldy. Byltyrǵy jyldyń qorytyndysy boiynsha túsim – 587,5 milliard teńgege, al taza paida 221 milliard teńgege jetti. Kompaniianyń 2018-2021 jyldar kezeńindegi dividendteriniń jalpy somasy 491 milliard teńgeni quraidy.
Sondai-aq Nursultan Nazarbaevqa holding kásiporyndaryndaǵy vaktsinatsiia qarqyny týraly, kompaniianyń iri jobalarynyń júzege asyrylýy, sonyń ishinde jylý bóletin quramalar shyǵarý zaýytynyń iske qosylýy jóninde baiandaldy.
