«سامۇرىق-قازىنا» ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ تٶراعاسى نۇرسۇلتان نازارباەۆ «قازاتومٶنەركەسٸپ» ۇلتتىق اتوم كومپانيياسى» اكتسيونەرلٸك قوعامى باسقارماسىنىڭ تٶراعاسى عالىمجان پٸرماتوۆتى قابىلدادى, دەپ حابارلايدى "ۇلت اقپارات" elbasy.kz-كە سٸلتەمە جاساپ.
كەزدەسۋدە نۇرسۇلتان نازارباەۆقا ۇلتتىق كومپانييانىڭ بىلتىرعى جۇمىسىنىڭ نەگٸزگٸ نەتيجەلەرٸ مەن قازٸرگٸ قىزمەتٸ تۋرالى اقپارات بەرٸلدٸ.
ع.پٸرماتوۆتىڭ ايتۋىنشا, «قازاتومٶنەركەسٸپ» ۇلتتىق كومپانيياسى ٶزٸنٸڭ اتوم سالاسىنداعى سەنٸمدٸ سەرٸكتەس ەرٸ وتىن جەتكٸزۋشٸ مەرتەبەسٸن نىعايتىپ, ەڭ ٸرٸ تابيعي ۋران ساتۋشى رەتٸندەگٸ ورنىن ساقتاپ قالدى. جاھاندىق پاندەمييانىڭ سىن-قاتەرلەرٸنە قاراماستان, كومپانييا 2020 جىلعا جوسپارلانعان بارلىق كٶرسەتكٸشتەرگە قول جەتكٸزدٸ, كەيبٸرەۋٸ بويىنشا جوسپار اسىرا ورىندالدى. بىلتىرعى جىلدىڭ قورىتىندىسى بويىنشا تٷسٸم – 587,5 ميلليارد تەڭگەگە, ال تازا پايدا 221 ميلليارد تەڭگەگە جەتتٸ. كومپانييانىڭ 2018-2021 جىلدار كەزەڭٸندەگٸ ديۆيدەندتەرٸنٸڭ جالپى سوماسى 491 ميلليارد تەڭگەنٸ قۇرايدى.
سونداي-اق نۇرسۇلتان نازارباەۆقا حولدينگ كەسٸپورىندارىنداعى ۆاكتسيناتسييا قارقىنى تۋرالى, كومپانييانىڭ ٸرٸ جوبالارىنىڭ جٷزەگە اسىرىلۋى, سونىڭ ٸشٸندە جىلۋ بٶلەتٸن قۇرامالار شىعارۋ زاۋىتىنىڭ ٸسكە قوسىلۋى جٶنٸندە باياندالدى.
