Qazaqstan munai, kómir, gaz, ýran syndy paidaly qazbalardyń mol qoryna ie. Onyń kólemi munai ekvivalentinde 32 mlrd tonna. Bul týraly QR Prezidenti janyndaǵy sheteldik investorlar keńesiniń 30-shy plenarly otyrysynda Nursultan Nazarbaev málimdedi, dep habarlaidy "Ult aqparat".
«Rasynda da, biz munai, kómir, gaz, ýran syndy paidaly qazbalardyń mol qoryna iemiz. Olardyń kólemi munai ekvivalentinde 32 mlrd tonna nemese bul álemdegi barlyq tabiǵi qordyń 4%-y», - dedi ol.
Sonymen qatar, Memleket basshysy tabiǵi bailyqtardyń iri qoryna qaramastan, ulttyq ekonomikanyń shikizatqa táýeldi bolmasy úshin tiisti salalyq baǵdarlamalardy júrgizip jatqanyn tilge tiek etti.
«Qazaqstan TMD elder ishinde birinshi bolyp «jasyl» ekonomikaǵa kóshýdiń naqty sharalaryn qolǵa aldy. 2007 jyly Ekologiialyq kodeks qabyldansa, 2009 jyly balamaly energetikany qoldaýǵa arnalǵan zańnama bekitildi. Al 2013 jyly «jasyl» energetikaǵa kóshýdińtujyrymdamasy rásimdeldi. Qazaqstan úshin energiia óndirýdiń aralas júiesi jaqsaryp keledi. Ol degenimiz, dástúrli energetikany damyta otyryp, balamaly qýat kózderin hal-qadirinshe nyǵaitý. Negizi elimizde balamaly energiiany kóptep óndirýge bolady. Máselen, jelden jylyna 920 mlrd Kvt/saǵ., sýdan 62 mlrdKvt/saǵ., al kúnnen 2,5 mlrd Kvt/saǵat energiiany shyǵarýǵa múmkindik bar.
Aýqymdy túrde indýstriializatsiia, innovatsiialyq jobalar elimizde júzege asyryldy. Sondai-aq, qýatty infraqurylymdyq baǵdarlamalardy damytyp jatyrmyz. Sonymen qatar, sizderdiń basym bóligńiz osy protseske qatysyp otyrsyzdar. Biz ekonomikany ártaraptandyrýǵa onyń turaqty ári shikizatqa táýeldi bolmaýyn qamtamasyz etýge tyrysýdamyz», - dep túiindedi sózin Nursultan Nazarbaev.
Aita keteiik, sheteldik investorlardyń keńesi – Elbasynyń jarlyǵymen 1998 jyly 30-maýsymda qurylǵan konsýltativti-aqyldasýshy organ. Onyń maqsaty investitsiialyq máselelerdi jyldam sheshý úshin Qazaqstan úkimeti men investorlar arasynda tikelei dialog ornatý. Ádette bul otyrystar jylyna bir ret ótedi.
Atalmysh keńestiń quramyna 35 transulttyq kompaniialar men halyqaralyq uiymdar kiredi.
Aita keteiik, otyrys barysynda QR Investitsiialar jáne damý ministri Jeńis Qasymbek «Astana» halyqaralyq qarjy ortalyǵyn qurý boiynsha esep berdi. Onyń aitýynsha, atalǵan ortalyq kelesi jyldan bastap tolyqqandy jumys istei bastaidy. «GE Oil & Gas» basshysy Lorentso Simoneli Qazaqstanda indýstrialdyq internetti keńinen damytýdy usyndy. Al Eýropalyq qaita qurý jáne damý bankiniń basshysy Baiqońyrdyń janynda jańa kún elektr stantsiiasynyń salynatynyn málimdedi.
.jpeg)