Elbasy Naýryz meiramyna arnalǵan merekelik is-sharaǵa qatysty, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy «Saryarqa» velotreginde ótken is-sharaǵa qatysýshylarǵa arnaǵan sózinde barlyq qazaqstandyqtardy Naýryz meiramymen quttyqtap, otandastarymyz bul merekeni týystarymen jáne dostarymen birge qarsy alýdy dástúrge ainaldyrǵanyn atap ótti.
Qazaqstan Prezidenti myńjyldyq tarihy bar Naýryz eldiń eń jaqsy kóretin jáne asyǵa kútetin meiramy ekenin, ol adamnyń ulty men dini ustanymyna qaramai toilanyp kele jatqanyn aitty.
Sonymen qatar, Nursultan Nazarbaev Naýryz senimniń, dostyq pen baýyrlastyqtyń, el turaqtylyǵynyń nyshany ekenine nazar aýdardy.
– Biyl biz Naýryzdy erekshe kóńil-kúimen qarsy alyp otyrmyz. Qazaqstan eleýli jańarý baǵytyna bet burdy. Men Úshinshi jańǵyrý baǵdarlamasyn jariialadym. Onyń aiasynda saiasi jáne ekonomikalyq júieni reformalaý kózdelgen. Biz Konstitýtsiiaǵa memlekettik basqarýdy jetildire túsetin mańyzdy túzetýler engizdik. Táýelsizdigimizdiń kepildikteri nyǵaitylyp, birlik pen tatýlyq bekem bola túsedi. Bul bolashaqqa senimmen qaraýǵa, qazirgi álemniń damýy jolyndaǵy syn-qaterlerdi eńserýge múmkindik beredi. Qazaqstandaǵy barlyq ózgeristerdiń bir ǵana maqsaty bar. Ol – ár úide, ár otbasynda, ár shańyraqta molshylyq pen turaqtylyqtyń bolýy. Ár azamat óz eli úshin alańsyz eńbek etip, balalaryn ósirip, jańa kúndi qýanyshpen qarsy alatyndai bolýǵa tiis. Buǵan eńbek etý arqyly qol jetkiziledi, oǵan memleket múmkindik berip otyr, – dedi Memleket basshysy.
Qazaqstan Prezidenti is-sharaǵa qatysýshylarǵa arnaǵan sózinde búkil álem boiynsha jańarý nyshanyn tanytyp, adamdardyń ózara yntymaǵyn jáne tabiǵatpen tutastyǵyn kórsetetin kóktemgi kún men túnniń teńeler shaǵynyń airyqsha mańyzdylyǵyn atap ótti.
– Bul kúnder halyqty qýanyshqa bóleidi. Mereke kúnderi jurt bir-birine qonaqqa baryp, burynǵy ókpe-renishterin keshirisedi, bir-birine igilik pen baq-bereke tileidi. Naýryz meiirimdilik pen ózara kómek siiaqty máńgilik qundylyqtardy eske salyp turady, – dedi Nursultan Nazarbaev.
Sońynda Memleket basshysy jurtshylyqty Naýryz meiramymen taǵy da quttyqtap, baqyt pen jaqsylyq tilep, ósip-órkendeýine niettestik bildirdi.
Sondai-aq, Elbasy «Han Shatyr» oiyn-saýyq ortalyǵy mańyndaǵy etnoaýylǵa bardy. Onda ulttyq buiymdar kórmesi men sport saiystary uiymdastyryldy.
.jpeg)