Astanadaǵy EXPO Kongress-ortalyǵynda Qazaqstan mashina jasaýshylarynyń VI Forýmy ótip jatyr. Shara barasynda QR Úkimet basshysynyń birinshi orynbasary Asqar Mamin QR Prezidenti Nursultan Nazarbaevtyń forým qatysýshylaryna arnalǵan quttyqtaý sózin oqyp berdi, dep habarlaidy "Ult aqparat".
«Mashina jasaý ekonomikanyń negizgi salalarynyń biri. Memleket bul baǵyttyń ornyqty damýy úshin barynsha qoldaý kórsetip keledi. 2017 jyly mashina jasaý óniminiń kólemi 1 trln teńgege jýyq boldy. Biylǵy forýmnyń negizgi ideiasy mashina jasaý salasyndaǵy tórtinshi ónerkásiptik revoliýtsiia, jahandyq tehnologiialyq progrestiń qazirgi bolmysyna sáikes keledi. Mashina jasaý isi qarqyndy damyp, júrgizýshisi joq avtokólikter, robottandyrylǵan zaýyttar jáne sýtegi otynymen júretin mashinalar búginde ozyq elder úshin úirenshikti qubylysqa ainaldy», - delingen Elbasynyń sózinde.
Sonymen qatar Memleket basshysy búkil álem jańa sandyq formatqa kóship jatqanyn, Qazaqstan da bul úderisten tys qalmaýy kerek ekenin qadap aitty.
«Mashina jasaý salasyn damytýdyń 2019-2030 jyldarǵa arnalǵan keshendi jospary forýmda talqylanatyn mańyzdy taqyryptardyń biri bolmaq. Jahandyq tehnologiialyq úderisterge sai óndiriste jańǵyrtýdy kózdeitin atalǵan baǵdarlamalyq qujat salany damytýdyń strategiialyq baǵdaryn aiqyndaidy. Is-shara aiasynda nátijeli pikirtalas bolyp, osy salada ózekti máselelerge qatysty naqty usynystar ázirlenedi dep senemin», - dedi N. Nazarbaev.
Aita keteiik, forým «Tórtinshi ónerkásiptik revoliýtsiia jaǵdaiynda damýdyń jańa múmkindikteri» taqyrybynda ótip jatyr.
Forýmda tek mashina jasaý salasynyń ǵana ózekti máseleleri emes, sonymen qatar barlyq óńdeý ónerkásibiniń iri júieli problemalary talqylanady.
Indýstrialdy-innovatsiialyq damý memlekettik baǵdarlamasynyń birinshi bes jyldyǵyn iske asyrý jyldarynda mashina jasaý salasy elimizdegi eń qarqyndy damyǵan salalardyń biri boldy. Óndiris kólemi 2010 jylǵy 376 mlrd teńgeden 2014 jyly 870 mlrd teńgege deiin, iaǵni 2,3 esege ulǵaidy. Óńdeý ónerkásibi kólemindegi otandyq mashina jasaýdyń úlesi 9,7 paiyzdan 14,8 paiyzǵa deiin ósti.
2018 jyldyń 8 aiynyń qorytyndysy boiynsha mashina jasaý óndirisiniń kólemi 638,1 mlrd teńgeden asyp, ósim 13,8 paiyzdy qurady.
.jpeg)