Memleket basshysynyń tóraǵalyǵymen Qaýipsizdik keńesiniń otyrysy ótti, dep habarlaidy Aqordanyń baspasóz qyzmeti.
Otyrysta kiberqaýipsizdikti qamtamasyz etý men terrorizmniń aldyn alý jónindegi ózekti máseleler talqylandy.
Qazaqstan Prezidenti qazirgi kezde tsifrlyq tehnologiialardy engizýdiń mańyzdylyǵyna toqtalyp, bul rette kiber qaýip-qaterge jáne aqparattyq tehnologiialardy zańsyz paidalanýǵa qarsy turý qajettigin atap ótti.
- Aqparattyq-kommýnikatsiialyq tehnologiialar adam ómiri men memlekettiń barlyq salasynda kezdesedi. Sondyqtan men «Qazaqstannyń úshinshi jańǵyrýy: jahandyq básekege qabilettilik» atty joldaýda tsifrlyq tehnologiialardy damytý maqsatyn qoidym. Onyń paidasy zor, biraq ony engizýmen birge kibershabýyldar jasaý qaýpi de týyndaidy. Sol sebepten Qazaqstan oǵan daiyn bolýǵa tiis, - dedi Elbasy.
Nursultan Nazarbaev jiynǵa qatysýshylar nazaryn elimizdegi jáne álemdegi terroristik toptardyń destrýktivti áreketteriniń saldarlaryna aýdaryp, olarǵa qarsy tiimdi jumystar júrgizýdi bir jolǵa qoiý qajettigin aitty.
Sońynda Memleket basshysy birqatar naqty tapsyrma berdi.
.jpeg)