Qazaq tili halyqty biriktiredi. Bul týraly búgin Tarazdaǵy Dostyq úiinde Jambyl oblystyq Qazaqstan halqy Assambleiasy múshelerimen kezdesken Elbasy Nursultan Nazarbaev málim etti, dep habarlaidy Ult.kz tilshisi QazAqparat agenttigine silteme jasap.
Júzdesý barysynda Qazaqstan Prezidenti kúni keshe ǵana Ózbekstanǵa memlekettik saparmen baryp kelgenin, eki eldiń arasyndaǵy barlyq qatynastar jan-jaqty damyp, jaqsaryp kele jatqanyn aitty. Sondai-aq halyqty rýhani jańǵyrtý máselesine toqtaldy.
«Rýhani jańǵyrý - bul bos sóz emes. Qazirgi ýaqytta álem ózgerýde, biz, ásirese jastar oǵan beiimdelýi kerek. Aqparattyq tehnologiialar álemi jańa bilimdi, jańa túsinikterdi talap etedi. Ýaqyt oqtai zymyraýda. Qoǵam da, álemde damý ústinde. Biz odan qalyp qoimaýǵa tiispiz. Sondyqtan adam eń aldymen ózin ózgertip, kún saiyn, ómir boi oqýy tiis. Ýniversietti bitirip, doplomdy qaltaǵa salyp qoiý jaramaidy. Artta qalyp qoiǵyń kelmese ómir boiy oqy. Bul rette jastar úshin beitanys eshteńe de joq», - dedi Elbasy.
Sonymen qatar Nursultan Nazarbaev qajetsingen adam kez kelgen tildi úirene alatyndyǵyn basa atap ótti.
«Menińshe, memlekettik til qazaq tilin adamdardyń basym bóligi túsingen jaǵdaida ol birigýdiń, jaqyndasýdyń belgisi bolar edi. Eger sen bir eldiń tilin bilseń, onda seni barǵan jerińde jaqsy kóredi. Shet elge barǵanda aǵylshyn tilin bilseń olarǵa jaqyn bolasyń. Nemiske baryp, nemistiń tilin bilsek, olarǵa jaqyn bolasyń. Sol siiaqty qazaq tili elderdi biriktiredi. Maqsat - osy», - dedi Qazaqstan Prezidenti.
Elbasy Qazaqstanda eshkimdi de qazaq tilin bilýge tiissiń dep májbúrlemeitindigin, ár ult óziniń tilin, mádeniet, salt-dástúrin damytýǵa barlyq múmkindigi bar ekendigin airyqsha aitty.
.jpeg)