© Sputnik / Alexei Boitsov
Qazaqstannyń Tuńǵysh Prezidenti Nursultan Nazarbaev Boris Eltsin men Mihail Gorbachev Keńes odaǵy ydyrar aldynda qalai janjaldasqanyn eske aldy, dep habarlaidy Sputnik Qazaqstan.
Elbasy óz esteligimen belgili rejisser Oliver Stoýn prodiýserlik etken "Qazaq: history of the golden man" derekti filminde bólisti.
"Gorbachev menen on jasqa úlken boldy, biraq biz bir urpaqtyń adamdary edik, birdei saiasi tárbieden óttik. Sondyqtan bir-birimizdi bildik, bir júieden shyqtyq. Bir qyzyǵy, Eltsin de menimen dos bolǵysy keldi. Biz shynymen de onymen jaqsy aralastyq. Men olardyń janjalyna kýá boldym, tatýlastyrýǵa tyrystym. KSRO-nyń kúireýi aldynda Gorbachev pen Eltsin qatty sózge kelip qaldy", - dedi Nazarbaev.
Aitýynsha, Eltsin Gorbaevtiń shaqyrýymen KOKP OK hatshysy retinde Máskeýge kelgen. Biraq Eltsin saiasi biýronyń múshesi bolýdy qalaǵan, alaida Gorbachev ony sailaǵan joq.
"Men olardyń qatty janjaldasqan kezin kórdim. Gorbachevtiń kabinetinde otyr edim, Eltsin kirip keldi. Bir-birimen daýys kótere sóilese bastady. Keleńsiz jait edi. Eltsin: "Men seniń ornyńa otyramyn" dedi. Men ornymnan turyp, ketip qalǵaly jatyr edim, Gorbachev "otyr" dedi. Gorbachev Eltsinge "ázirge munda men prezidentpin" dep jaýap berdi. Eltsin: "Iá, ázirge" dedi de, ketip qaldy", - dep eske aldy Elbasy.
Nazarbaevtyń sózinshe, Keńes odaǵy ydyrai bastady jáne ony toqtatý múmkin emes edi. Biraq ol ózi Keńes odaǵynyń órkenietti túrde taralýyn qalaǵan.
"Búkil komandanyń ishinde keńes ekonomikasyn túsinetin jalǵyz men boldym. Men Keńes odaǵynyń qalǵanyn jaqtaǵan joqpyn, tek munyń bári órkenietti túrde ótkenin qaladym. Odaqtyń ydyraýdan zardap shekkenin qalamadym", - dedi ol.
Nursultan Nazarbaev qasynda oǵan búlikti qoldaýdy usynǵan kommýnister bolǵanyn aitty.
"Bul aiaqasty boldy. 18 kúni (1991 jyldyń tamyzy) Eltsin bizge saparmen keldi. Jaqsy keshki astan keiin qarańǵy túskende jolǵa shyqty. Al 19 kúni tańerteń búlik boldy", - dedi Nazarbaev.
1 jeltoqsan – Tuńǵysh Prezident kúni KTK telearnasy "Qazaq: history of the golden man" derekti filmin kórsetti.
