© Sputnik / Alexei Boitsov
قازاقستاننىڭ تۇڭعىش پرەزيدەنتٸ نۇرسۇلتان نازارباەۆ بوريس ەلتسين مەن ميحايل گورباچەۆ كەڭەس وداعى ىدىرار الدىندا قالاي جانجالداسقانىن ەسكە الدى, دەپ حابارلايدى Sputnik قازاقستان.
ەلباسى ٶز ەستەلٸگٸمەن بەلگٸلٸ رەجيسسەر وليۆەر ستوۋن پروديۋسەرلٸك ەتكەن "Qazaq: history of the golden man" دەرەكتٸ فيلمٸندە بٶلٸستٸ.
"گورباچەۆ مەنەن ون جاسقا ٷلكەن بولدى, بٸراق بٸز بٸر ۇرپاقتىڭ ادامدارى ەدٸك, بٸردەي ساياسي تەربيەدەن ٶتتٸك. سوندىقتان بٸر-بٸرٸمٸزدٸ بٸلدٸك, بٸر جٷيەدەن شىقتىق. بٸر قىزىعى, ەلتسين دە مەنٸمەن دوس بولعىسى كەلدٸ. بٸز شىنىمەن دە ونىمەن جاقسى ارالاستىق. مەن ولاردىڭ جانجالىنا كۋە بولدىم, تاتۋلاستىرۋعا تىرىستىم. كسرو-نىڭ كٷيرەۋٸ الدىندا گورباچەۆ پەن ەلتسين قاتتى سٶزگە كەلٸپ قالدى", - دەدٸ نازارباەۆ.
ايتۋىنشا, ەلتسين گورباەۆتٸڭ شاقىرۋىمەن كوكپ وك حاتشىسى رەتٸندە مەسكەۋگە كەلگەن. بٸراق ەلتسين ساياسي بيۋرونىڭ مٷشەسٸ بولۋدى قالاعان, الايدا گورباچەۆ ونى سايلاعان جوق.
"مەن ولاردىڭ قاتتى جانجالداسقان كەزٸن كٶردٸم. گورباچەۆتٸڭ كابينەتٸندە وتىر ەدٸم, ەلتسين كٸرٸپ كەلدٸ. بٸر-بٸرٸمەن داۋىس كٶتەرە سٶيلەسە باستادى. كەلەڭسٸز جايت ەدٸ. ەلتسين: "مەن سەنٸڭ ورنىڭا وتىرامىن" دەدٸ. مەن ورنىمنان تۇرىپ, كەتٸپ قالعالى جاتىر ەدٸم, گورباچەۆ "وتىر" دەدٸ. گورباچەۆ ەلتسينگە "ەزٸرگە مۇندا مەن پرەزيدەنتپٸن" دەپ جاۋاپ بەردٸ. ەلتسين: "يە, ەزٸرگە" دەدٸ دە, كەتٸپ قالدى", - دەپ ەسكە الدى ەلباسى.
نازارباەۆتىڭ سٶزٸنشە, كەڭەس وداعى ىدىراي باستادى جەنە ونى توقتاتۋ مٷمكٸن ەمەس ەدٸ. بٸراق ول ٶزٸ كەڭەس وداعىنىڭ ٶركەنيەتتٸ تٷردە تارالۋىن قالاعان.
"بٷكٸل كوماندانىڭ ٸشٸندە كەڭەس ەكونوميكاسىن تٷسٸنەتٸن جالعىز مەن بولدىم. مەن كەڭەس وداعىنىڭ قالعانىن جاقتاعان جوقپىن, تەك مۇنىڭ بەرٸ ٶركەنيەتتٸ تٷردە ٶتكەنٸن قالادىم. وداقتىڭ ىدىراۋدان زارداپ شەككەنٸن قالامادىم", - دەدٸ ول.
نۇرسۇلتان نازارباەۆ قاسىندا وعان بٷلٸكتٸ قولداۋدى ۇسىنعان كوممۋنيستەر بولعانىن ايتتى.
"بۇل اياقاستى بولدى. 18 كٷنٸ (1991 جىلدىڭ تامىزى) ەلتسين بٸزگە ساپارمەن كەلدٸ. جاقسى كەشكٸ استان كەيٸن قاراڭعى تٷسكەندە جولعا شىقتى. ال 19 كٷنٸ تاڭەرتەڭ بٷلٸك بولدى", - دەدٸ نازارباەۆ.
1 جەلتوقسان – تۇڭعىش پرەزيدەنت كٷنٸ كتك تەلەارناسى "Qazaq: history of the golden man" دەرەكتٸ فيلمٸن كٶرسەتتٸ.
