QR Prezidenti Nursultan Nazarbaev EKSPO-2017 kórmesiniń ashylý rásiminde EXPO ǵylymi jańalyqtar kórmesi ǵana emes, ol barlyq elder men órkenietterdi jalǵaityn altyn kópir ekendigin aitty, dep habarlaidy Baq.kz tilshisi.
«EKSPO osydan 166 jyl buryn ótken tuńǵysh kórmeden beri árdaiym jańa ideialardyń besigi bolyp tabylady. Alǵashqy telefon, kólik, kompiýter, jer serigi men atom elektr stantsiiasy siiaqty jańalyqtyń barlyǵynyń tusaýy osyndai EKSPO-da kesilgen. Sol eleýli isti jalǵastyrǵan Astana álemdik innovatsiialyq ortalyqtyń biri retinde tanylady dep senemin. EKSPO - ǵylymi jańalyqtar kórmesi ǵana emes, ol barlyq elder men órkenietterdi jalǵaityn altyn kópir. Qazaqstan kórmeni joǵary deńgeide ótkizý úshin jan-jaqty daiyndaldy», - dedi Elbasy.
Memleket basshysynyń aitýynsha, kórmege arnalyp aldyńǵy qatarly tehnologiialyq infraqurylym, EKSPO qalashyǵy salyndy. 100 astam sáýletti ǵimarat boi kóterdi. Astananyń áleýettik salasy da damý jolynda tyń serpinge ie boldy. Qalada jańa áýejai, jańa temirjol vokzaly paidalanýǵa berildi. Álemdik deńgeidegi qonaqúiler, mádeni oiyn-saýyq keshenderi ashyldy. Osynyń barlyǵy EKSPO-dan keiin de eldiń igiligine qyzmet etetin bolady.
Esterińizge sala ketsek, «Bolashaq energiiasy» taqyrybyndaǵy EKSPO-2017 kórmesi Astanada 10 maýsym men 10 qyrkúiek aralyǵynda ótedi. Shara aiasynda 3 myńnan astam mádeni shara uiymdastyrylmaq. Olardyń qatarynda 40-tan astam ǵylymi konferentsiia men iri forýmdar, 126 ulttyq ideia bar. «EKSPO-2017» halyqaralyq kórmesine elimiz 28 joba usynbaq. Kórmege barlyǵy 2,4 million adam keledi, olardyń 15 paiyzy sheteldik týrist bolady dep boljanyp otyr. Álemdik deńgeidegi sharaǵa 115 memleket pen 21 halyqaralyq uiym qatysady dep josparlanýda.
