Memleket basshysy Eýropalyq komissiianyń burynǵy tóraǵasy Joze Manýel Barrozýmen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Nursultan Nazarbaev Joze Manýel Barrozýǵa Astana klýbynyń otyrysyna kelgeni úshin rizashylyq bildirdi.
Memleket basshysy Eýropalyq komissiianyń burynǵy tóraǵasynyń Qazaqstan men Eýropa odaǵy arasyndaǵy qarym-qatynastardy nyǵaitý isine qosqan úlesin atap ótti.
– Men Sizben taǵy da júzdesip otyrǵanyma qýanyshtymyn. Siz árdaiym Qazaqstanǵa qoldaý kórsettińiz. Sonyń arqasynda elimizdiń Eýropa odaǵymen seriktestigi jónindegi kelisimge qol qoiyldy. Qazirgi tańda bul qujat ratifikatsiialaný úderisinen ótip jatyr, – dedi Qazaqstan Prezidenti.
Joze Manýel Barrozý kezdeskeni jáne Astana klýbynyń jumysyna qatysýǵa shaqyrǵany úshin Nursultan Nazarbaevqa alǵys aitty.
– Sizben qaita kezdesý – men úshin zor mártebe. Briýsselge tarihi saparmen kelgenińiz esimde. Sol kezde Qazaqstan men Eýropa odaǵy arasynda yntymaqtastyq ornatý jóninde tarihi sheshim qabyldanǵan bolatyn. Búginde Qazaqstannyń turaqtylyqty saqtap, óńirde mańyzdy ról atqaryp otyrǵanyn kórgenime qýanyshtymyn, – dedi Eýropalyq komissiianyń burynǵy tóraǵasy.
