مەملەكەت باسشىسى ەۋروپالىق كوميسسييانىڭ بۇرىنعى تٶراعاسى جوزە مانۋەل بارروزۋمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا نۇرسۇلتان نازارباەۆ جوزە مانۋەل بارروزۋعا استانا كلۋبىنىڭ وتىرىسىنا كەلگەنٸ ٷشٸن ريزاشىلىق بٸلدٸردٸ.
مەملەكەت باسشىسى ەۋروپالىق كوميسسييانىڭ بۇرىنعى تٶراعاسىنىڭ قازاقستان مەن ەۋروپا وداعى اراسىنداعى قارىم-قاتىناستاردى نىعايتۋ ٸسٸنە قوسقان ٷلەسٸن اتاپ ٶتتٸ.
– مەن سٸزبەن تاعى دا جٷزدەسٸپ وتىرعانىما قۋانىشتىمىن. سٸز ەردايىم قازاقستانعا قولداۋ كٶرسەتتٸڭٸز. سونىڭ ارقاسىندا ەلٸمٸزدٸڭ ەۋروپا وداعىمەن سەرٸكتەستٸگٸ جٶنٸندەگٸ كەلٸسٸمگە قول قويىلدى. قازٸرگٸ تاڭدا بۇل قۇجات راتيفيكاتسييالانۋ ٷدەرٸسٸنەن ٶتٸپ جاتىر, – دەدٸ قازاقستان پرەزيدەنتٸ.
جوزە مانۋەل بارروزۋ كەزدەسكەنٸ جەنە استانا كلۋبىنىڭ جۇمىسىنا قاتىسۋعا شاقىرعانى ٷشٸن نۇرسۇلتان نازارباەۆقا العىس ايتتى.
– سٸزبەن قايتا كەزدەسۋ – مەن ٷشٸن زور مەرتەبە. بريۋسسەلگە تاريحي ساپارمەن كەلگەنٸڭٸز ەسٸمدە. سول كەزدە قازاقستان مەن ەۋروپا وداعى اراسىندا ىنتىماقتاستىق ورناتۋ جٶنٸندە تاريحي شەشٸم قابىلدانعان بولاتىن. بٷگٸندە قازاقستاننىڭ تۇراقتىلىقتى ساقتاپ, ٶڭٸردە ماڭىزدى رٶل اتقارىپ وتىرعانىن كٶرگەنٸمە قۋانىشتىمىن, – دەدٸ ەۋروپالىق كوميسسييانىڭ بۇرىنعى تٶراعاسى.
