Qazaqstannyń Tuńǵysh Prezidenti Túrkiia Respýblikasynyń Prezidenti Rejep Taiip Erdoǵanǵa kóńil aitý jedelhatyn joldady, dep habarlaidy Elbasynyń resmi saity.
Elbasy Túrkiianyń Izmir provintsiiasynda jer silkinisi saldarynan turǵyndardyń zardap shegip, qaza bolǵany týraly sýyt habardy kúizelispen qabyldady.
«Qaiǵylaryńyzǵa ortaqtasyp, marqum bolǵandardyń týystary men jaqyndaryna, sondai-aq búkil Túrkiia halqyna kóńil aitamyn. Zardap shekkenderdiń tezirek saýyǵyp ketýine tilektestigimdi bildire otyryp, baýyrlas túrik halqynyń osy aýyrtpalyqty sabyrmen eńseretinine senimdimin», – delingen jedelhatta.
Osyǵan deiin Túrkiianyń batysynda 6,6 baldyq jer silkinisi bolǵany habarlandy. Qazaqstannyń Túrkiiadaǵy elshiligi osy oqiǵanyń saldarynan zardap shekkender arasynda Qazaqstan azamattarynyń joq ekenin málim etip, kómek qajet bolǵan jaǵdaida habarlasatyn telefon nómirlerin jariialady.
Sońǵy málimetter boiynsha, zilzalanyń saldarynan Túrkiiada 12 adam mert bolyp, 522 adam zardap shekti.
