قازاقستاننىڭ تۇڭعىش پرەزيدەنتٸ تٷركييا رەسپۋبليكاسىنىڭ پرەزيدەنتٸ رەجەپ تاييپ ەردوعانعا كٶڭٸل ايتۋ جەدەلحاتىن جولدادى, دەپ حابارلايدى ەلباسىنىڭ رەسمي سايتى.
ەلباسى تٷركييانىڭ يزمير پروۆينتسيياسىندا جەر سٸلكٸنٸسٸ سالدارىنان تۇرعىنداردىڭ زارداپ شەگٸپ, قازا بولعانى تۋرالى سۋىت حاباردى كٷيزەلٸسپەن قابىلدادى.
«قايعىلارىڭىزعا ورتاقتاسىپ, مارقۇم بولعانداردىڭ تۋىستارى مەن جاقىندارىنا, سونداي-اق بٷكٸل تٷركييا حالقىنا كٶڭٸل ايتامىن. زارداپ شەككەندەردٸڭ تەزٸرەك ساۋىعىپ كەتۋٸنە تٸلەكتەستٸگٸمدٸ بٸلدٸرە وتىرىپ, باۋىرلاس تٷرٸك حالقىنىڭ وسى اۋىرتپالىقتى سابىرمەن ەڭسەرەتٸنٸنە سەنٸمدٸمٸن», – دەلٸنگەن جەدەلحاتتا.
وسىعان دەيٸن تٷركييانىڭ باتىسىندا 6,6 بالدىق جەر سٸلكٸنٸسٸ بولعانى حابارلاندى. قازاقستاننىڭ تٷركيياداعى ەلشٸلٸگٸ وسى وقيعانىڭ سالدارىنان زارداپ شەككەندەر اراسىندا قازاقستان ازاماتتارىنىڭ جوق ەكەنٸن مەلٸم ەتٸپ, كٶمەك قاجەت بولعان جاعدايدا حابارلاساتىن تەلەفون نٶمٸرلەرٸن جارييالادى.
سوڭعى مەلٸمەتتەر بويىنشا, زٸلزالانىڭ سالدارىنان تٷركييادا 12 ادام مەرت بولىپ, 522 ادام زارداپ شەكتٸ.
