Qazaqstan Prezidenti Bishkekte Joǵary Eýraziialyq ekonomikalyq keńestiń keńeitilgen otyrysynda baiandama jasady, dep habarlady QazAqparat agenttigi.
Nursultan Nazarbaev mamyrda Astanada Eýraziialyq ekonomikalyq odaq qurý týraly shartqa qol qoiǵan sátke úsh jyl tolatynyn atap ótti. Memleket basshysy kemshilikter men qaýipke qaramastan, uiymnyń ómir súrýge quqy bar, al múshe memleketter ekonomikalyq ósim kórsetip keledi.
QR Prezidentiniń aitýynsha, bastapqy kúrdeli kezeńde kóp jumystar jasaldy. Sharttyq quqyqtyq baza qurylyp, turaqty keńý ústinde. Uzaqmerzimdi, ortamerzimdi basymdyqtar aiqyndaldy. Praktikada taýarlar, qyzmetter, kapital, jumys kúshi erkin qozǵala bastady. Túrli eldermen, halyqaralyq uiymdarmen bailanys rettele túsýde.
«EAEO-nyń qalyptasý kezeńi barlyq elderdiń daǵdarys qubylystaryn eńserýi tiis qiyn kezeńge dóp keldi. Munyń barlyǵy sońǵy ýaqyttarda eleýli tómendep, qaýip týdyrǵan uiymnyń kórsetkishterinen baiqaldy. Bul aqtalmady. Daǵdarys máńgilik emes. Tómendeý bar jerde ósý de bar. Ótken jyly bizdiń elderdiń basym bóligi ekonomikalyq ósim kórsetti. Onyń ishinde Qazaqstan da bar. 2017 jyldyń basyndaǵy statistika derekteri bizde erekshe optimizm oiata túsýi qajet», - dedi N. Nazarbaev.
Eki ai qorytyndysy boiynsha EAEO syrtqy saýda kólemi 37%-ǵa, ózara saýda 38%-ǵa artty.
«Mysaly, Qazaqstannyń EAEO-men saýdasy 56,5%-ǵa, Reseimen - 50%-ǵa, Belarýspen - 50%-ǵa, Qyrǵyzstanmen - 41%-ǵa, Armeniiamen - 3,5 esege artty. Iaǵni, kemshilik kemshiligimen, al biz odan ári jumys isteýimiz qajet ekenin kórsetip jatyrmyz», - dedi QR Prezidenti.
Resei Prezidenti Vladimir Pýtin EAEO-nyń jumys isteýin múshe memleketter úshin «qaýipsizdik jastyǵyna» balady.
«Belgili bir dárejede ol (odaq) syrtqy koniýnktýranyń yqpalyn joiyp, ulttyq ekonomikany jańa baǵyttarǵa beiimdeldi», - dedi RF basshysy. V. Pýtinniń aitýynsha, kóp jaǵdaida odaq naryǵynyń arqasynda Qazaqstanda jańa avtomobil jasaý salasy damýda.
