Nursultan Nazarbaev Reformalar jónindegi joǵary keńes tóraǵasynyń orynbasary Sýma Chakrabartimen kezdesti, dep habarlaidy Elbasy.kz.
Kezdesýde jahandyq pandemiia saldarynan týyndaǵan daǵdarys jaǵdaiyndaǵy eldiń ekonomikalyq damýynyń ózekti máseleleri talqylandy.
– Qazir kúlli álem jurtshylyǵy qiyn jaǵdaidy bastan ótkerýde. Ekonomika 3-4 paiyzǵa tómendeidi dep boljanýda. Búgin ózińizben álemde qalyptasqan ahýalǵa bailanysty pikir alysqym kelip otyr, – dedi Qazaqstannyń Tuńǵysh Prezidenti.
Sýma Chakrabarti álemdik ekonomikanyń qalpyna kelýine jáne aldaǵy perspektivalaryna qatysty boljamdar týraly óz oiymen bólisti. Sonymen birge Reformalar jónindegi joǵary keńes tóraǵasynyń orynbasary táýelsiz Qazaqstandy qurý jáne damytý isindegi Nursultan Nazarbaevtyń eńbegin joǵary baǵalady.
– Eýropa qaita qurý jáne damý bankin basqarǵan kezdegi bizdiń birlesken jumysymyzdy jyly sezimmen eske alamyn. Biz Sizdiń elmen tyǵyz qarym-qatynasta boldyq. Qazaqstan berik yntymaqtastyq ornatqan alǵashqy bes memlekettiń qataryna kirdi. Bul Sizdiń belsene atsalysýyńyzdyń arqasynda múmkin boldy. Sondai-aq men Sizdiń táýelsiz Qazaqstandy qurý jolyndaǵy qajyr-qairatyńyzǵa tamsana qaraimyn, – dedi S.Chakrabarti.
