Aldymen GAZ kóligin aidap áketken kúdiktiler jol apatyna túskennen keiin taǵy bir Audi kóligin zańsyz ielengen, dep habarlaidy ult.kz.
Qostanaida bir túnde eki avtokólikti zańsyz aidap áketýge qatysy bar degen kúdikpen úsh jergilikti turǵyn anyqtaldy.
Aldyn ala málimet boiynsha, kúdiktiler alkogoldik masań kúide aldyn ala sóz bailasyp, aldymen GAZ-33023 kóligin aidap ketken. Keiin jol apatyna ushyraǵanyna qaramastan, áreketterin jalǵastyryp, qalanyń soltústik bóliginen Audi kóligin de zańsyz ielengen bolýy múmkin.
Jedel-izdestirý sharalary nátijesinde politsiia úsh kúdiktiniń barlyǵyn anyqtady. Audi kóligin basqarǵan adam mas kúide kólik júrgizgeni úshin Ákimshilik quqyq buzýshylyq týraly kodekstiń 608-baby boiynsha jaýapqa tartyldy.
Qazir kólikterdi zańsyz ielený faktileri boiynsha sotqa deiingi tergep-tekserý júrgizilip jatyr. Oqiǵanyń mán-jaiy anyqtalýda.
