نۇرسۇلتان نازارباەۆ رەفورمالار جٶنٸندەگٸ جوعارى كەڭەس تٶراعاسىنىڭ ورىنباسارى سۋما چاكرابارتيمەن كەزدەستٸ, دەپ حابارلايدى Elbasy.kz.
كەزدەسۋدە جاھاندىق پاندەمييا سالدارىنان تۋىنداعان داعدارىس جاعدايىنداعى ەلدٸڭ ەكونوميكالىق دامۋىنىڭ ٶزەكتٸ مەسەلەلەرٸ تالقىلاندى.
– قازٸر كٷللٸ ەلەم جۇرتشىلىعى قيىن جاعدايدى باستان ٶتكەرۋدە. ەكونوميكا 3-4 پايىزعا تٶمەندەيدٸ دەپ بولجانۋدا. بٷگٸن ٶزٸڭٸزبەن ەلەمدە قالىپتاسقان احۋالعا بايلانىستى پٸكٸر الىسقىم كەلٸپ وتىر, – دەدٸ قازاقستاننىڭ تۇڭعىش پرەزيدەنتٸ.
سۋما چاكرابارتي ەلەمدٸك ەكونوميكانىڭ قالپىنا كەلۋٸنە جەنە الداعى پەرسپەكتيۆالارىنا قاتىستى بولجامدار تۋرالى ٶز ويىمەن بٶلٸستٸ. سونىمەن بٸرگە رەفورمالار جٶنٸندەگٸ جوعارى كەڭەس تٶراعاسىنىڭ ورىنباسارى تەۋەلسٸز قازاقستاندى قۇرۋ جەنە دامىتۋ ٸسٸندەگٸ نۇرسۇلتان نازارباەۆتىڭ ەڭبەگٸن جوعارى باعالادى.
– ەۋروپا قايتا قۇرۋ جەنە دامۋ بانكٸن باسقارعان كەزدەگٸ بٸزدٸڭ بٸرلەسكەن جۇمىسىمىزدى جىلى سەزٸممەن ەسكە الامىن. بٸز سٸزدٸڭ ەلمەن تىعىز قارىم-قاتىناستا بولدىق. قازاقستان بەرٸك ىنتىماقتاستىق ورناتقان العاشقى بەس مەملەكەتتٸڭ قاتارىنا كٸردٸ. بۇل سٸزدٸڭ بەلسەنە اتسالىسۋىڭىزدىڭ ارقاسىندا مٷمكٸن بولدى. سونداي-اق مەن سٸزدٸڭ تەۋەلسٸز قازاقستاندى قۇرۋ جولىنداعى قاجىر-قايراتىڭىزعا تامسانا قارايمىن, – دەدٸ س.چاكرابارتي.
