Memleket basshysy Islam damý bankiniń prezidenti Bandar ben Muhammad Hadjarmen kezdesti, - dep habarlaidy "Ult aqparat" Aqordaǵa silteme jasap.
Kezdesýde taraptar Qazaqstan men Islam damý banki arasyndaǵy yntymaqtastyqtyń ózekti máselelerin talqylady.
Memleket basshysy elimizdiń ekonomikasyn nyǵaitýǵa jáne halqymyzdyń ál-aýqatyn arttyrýǵa Islam damý banki eleýli úles qosqanyn atap ótti.
"Qazirgi tańda biz "Astana" halyqaralyq qarjy ortalyǵyn qurýdamyz. Islam damý banki onyń qyzmetine atsalysatynyna senimdimin", - dedi Nursultan Nazarbaev.
Áńgime barysynda bank pen Qazaqstannyń ortaq jobalarynyń jalpy quny 1,3 milliard dollardan asqany atap ótildi. 2015 jyly Islam damý banki quny 665 million dollar bolatyn 4 jobany qabyldap alǵan.
Bandar ben Muhammad Hadjar bizdiń respýblikamen tabysty yntymaqtastyq odan ári jalǵasyp, bank Qazaqstan ekonomikasyn damytýǵa baǵyttalǵan jobalarǵa qatysa beredi dep úmittenetinin jetkizdi.
Condai-aq, Memleket basshysy Saýd Arabiiasynda Islam yntymaqtastyǵy uiymynyń bas hatshysy Iiad ibn Ámin Madanimen kezdesti. Kelissóz barysynda Qazaqstannyń Islam yntymaqtastyǵy uiymyna músheligi aiasyndaǵy ekijaqty ózara is-qimyldyń negizgi jaittary talqylandy.
Taraptar Nursultan Nazarbaevtyń bastamasymen qurylǵan búginde quramyna 32 el kiretin halyqaralyq azyq-túlik qorynyń jumysyn ilgeriletý máselelerin qarastyrdy.
Budan bólek, Iiad ibn Ámin Madani Memleket basshysyn Qazaqstan táýelsizdiginiń 25 jyldyǵymen quttyqtap, Nursultan Nazarbaevtyń aimaqtyq qaqtyǵystardy retteýge baǵyttalǵan barlyq bastamalaryn qoldaitynyn aitty.
