مەملەكەت باسشىسى يسلام دامۋ بانكٸنٸڭ پرەزيدەنتٸ باندار بەن مۇحامماد حادجارمەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋدە تاراپتار قازاقستان مەن يسلام دامۋ بانكٸ اراسىنداعى ىنتىماقتاستىقتىڭ ٶزەكتٸ مەسەلەلەرٸن تالقىلادى.
مەملەكەت باسشىسى ەلٸمٸزدٸڭ ەكونوميكاسىن نىعايتۋعا جەنە حالقىمىزدىڭ ەل-اۋقاتىن ارتتىرۋعا يسلام دامۋ بانكٸ ەلەۋلٸ ٷلەس قوسقانىن اتاپ ٶتتٸ.
"قازٸرگٸ تاڭدا بٸز "استانا" حالىقارالىق قارجى ورتالىعىن قۇرۋدامىز. يسلام دامۋ بانكٸ ونىڭ قىزمەتٸنە اتسالىساتىنىنا سەنٸمدٸمٸن", - دەدٸ نۇرسۇلتان نازارباەۆ.
ەڭگٸمە بارىسىندا بانك پەن قازاقستاننىڭ ورتاق جوبالارىنىڭ جالپى قۇنى 1,3 ميلليارد دوللاردان اسقانى اتاپ ٶتٸلدٸ. 2015 جىلى يسلام دامۋ بانكٸ قۇنى 665 ميلليون دوللار بولاتىن 4 جوبانى قابىلداپ العان.
باندار بەن مۇحامماد حادجار بٸزدٸڭ رەسپۋبليكامەن تابىستى ىنتىماقتاستىق ودان ەرٸ جالعاسىپ, بانك قازاقستان ەكونوميكاسىن دامىتۋعا باعىتتالعان جوبالارعا قاتىسا بەرەدٸ دەپ ٷمٸتتەنەتٸنٸن جەتكٸزدٸ.
Cونداي-اق, مەملەكەت باسشىسى ساۋد ارابيياسىندا يسلام ىنتىماقتاستىعى ۇيىمىنىڭ باس حاتشىسى يياد يبن ەمين مادانيمەن كەزدەستٸ. كەلٸسسٶز بارىسىندا قازاقستاننىڭ يسلام ىنتىماقتاستىعى ۇيىمىنا مٷشەلٸگٸ اياسىنداعى ەكٸجاقتى ٶزارا ٸس-قيمىلدىڭ نەگٸزگٸ جايتتارى تالقىلاندى.
تاراپتار نۇرسۇلتان نازارباەۆتىڭ باستاماسىمەن قۇرىلعان بٷگٸندە قۇرامىنا 32 ەل كٸرەتٸن حالىقارالىق ازىق-تٷلٸك قورىنىڭ جۇمىسىن ٸلگەرٸلەتۋ مەسەلەلەرٸن قاراستىردى.
بۇدان بٶلەك, يياد يبن ەمين ماداني مەملەكەت باسشىسىن قازاقستان تەۋەلسٸزدٸگٸنٸڭ 25 جىلدىعىمەن قۇتتىقتاپ, نۇرسۇلتان نازارباەۆتىڭ ايماقتىق قاقتىعىستاردى رەتتەۋگە باعىتتالعان بارلىق باستامالارىن قولدايتىنىن ايتتى.
