Qazaqstan Prezidenti Búkilreseilik memlekettik televiziialyq jáne radio habarlaryn taratý kompaniiasynyń telearnalaryna suhbat berdi, dep habarlaidy "Ult aqparat" Aqordanyń baspasóz qyzmetine silteme jasap.
Tilshi saýaldaryna orai, Nursultan Nazarbaev kún tártibindegi negizgi halyqaralyq jáne óńirlik máselelerge toqtalyp, Qazaqstan men Resei arasyndaǵy yntymaqtastyqtyń basym baǵyttary týraly áńgimeledi.
Suhbat barysynda Qazaqstan Prezidenti «Nurly jol» infraqurylymdy damytýdyń memlekettik baǵdarlamasynyń negizgi nátijeleri jóninde aityp, Eýraziia ekonomikalyq yntymaqtastyq odaǵy men «Bir beldeý, bir jol» bastamasyn toǵystyrýdyń artyqshylyqtaryna arnaiy toqtaldy.
Sonymen qatar, Memleket basshysy birqatar jeke suraqtarǵa jaýap berip, jahandyq tártiptiń odan ári damýynyń perspektivalaryna qatysty óz oiyn ortaǵa saldy.
Suhbatty biylǵy jeltoqsan aiynyń basynda «Rossiia-1» jáne «Rossiia-24» telearnalary arqyly kórsetý josparlanǵan.
