قازاقستان پرەزيدەنتٸ بٷكٸلرەسەيلٸك مەملەكەتتٸك تەلەۆيزييالىق جەنە راديو حابارلارىن تاراتۋ كومپانيياسىنىڭ تەلەارنالارىنا سۇحبات بەردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
تٸلشٸ ساۋالدارىنا وراي, نۇرسۇلتان نازارباەۆ كٷن تەرتٸبٸندەگٸ نەگٸزگٸ حالىقارالىق جەنە ٶڭٸرلٸك مەسەلەلەرگە توقتالىپ, قازاقستان مەن رەسەي اراسىنداعى ىنتىماقتاستىقتىڭ باسىم باعىتتارى تۋرالى ەڭگٸمەلەدٸ.
سۇحبات بارىسىندا قازاقستان پرەزيدەنتٸ «نۇرلى جول» ينفراقۇرىلىمدى دامىتۋدىڭ مەملەكەتتٸك باعدارلاماسىنىڭ نەگٸزگٸ نەتيجەلەرٸ جٶنٸندە ايتىپ, ەۋرازييا ەكونوميكالىق ىنتىماقتاستىق وداعى مەن «بٸر بەلدەۋ, بٸر جول» باستاماسىن توعىستىرۋدىڭ ارتىقشىلىقتارىنا ارنايى توقتالدى.
سونىمەن قاتار, مەملەكەت باسشىسى بٸرقاتار جەكە سۇراقتارعا جاۋاپ بەرٸپ, جاھاندىق تەرتٸپتٸڭ ودان ەرٸ دامۋىنىڭ پەرسپەكتيۆالارىنا قاتىستى ٶز ويىن ورتاعا سالدى.
سۇحباتتى بيىلعى جەلتوقسان ايىنىڭ باسىندا «روسسييا-1» جەنە «روسسييا-24» تەلەارنالارى ارقىلى كٶرسەتۋ جوسپارلانعان.
