Elbasy, «Samuryq-Qazyna» ulttyq ál-aýqat qoryn basqarý jónindegi keńestiń tóraǵasy Nursultan Nazarbaev Birikken Arab Ámirlikteri Premer-Ministriniń orynbasary, Prezident isteri jónindegi ministri sheih Mansýr ben Zaid Ál Nahaianmen kezdesti, dep habarlaidy Elbasy.kz.
Kezdesý barysynda ekonomikalyq yntymaqtastyqtyń ózekti máseleleri talqylandy. Taraptar Qazaqstan Respýblikasynyń Premer-Ministri Asqar Maminniń jýyrdaǵy sapary kezinde quny 6 milliard AQSh dollaryn quraityn investitsiialyq jobalardy iske asyrý týraly qol jetkizilgen ýaǵdalastyqtardy erekshe atap ótti.
Sonymen qatar Elbasy Nursultan Nazarbaev pen sheih Mansýr mádeniet jáne týrizm salasyndaǵy yntymaqtastyqty damytý perspektivalaryn talqylady.
Sońynda taraptar óńirlik kún tártibindegi ózekti máseleler jóninde pikir almasty.
