Elbasy Astana qalasynyń kórnekti oryndaryn aralady, - dep habarlaidy "Ult aqparat" Aqoradǵa silteme jasap.
Memleket basshysy elordamyzdyń simvolyna ainalǵan, qaita jóndeýden ótken «Báiterek» monýmentinde boldy.
Kúrdeli jóndeýden soń ǵimarattyń ishki keipi ózgergen. Atap aitqanda, monýmenttiń kúmbezi men baǵanasyna jylýdy saqtaýǵa ári oǵan jumsalatyn shyǵyndy azaitýǵa múmkindik beretin energiia únemdegish jańa shynypaketter ornatylǵan. Monýmenttiń holyna úlken LED-ekran qoiyldy.
Sondai-aq, Qazaqstan Prezidenti «Nurjol» býlvarynda ashyq aspan astynda ótip jatqan jyl saiynǵy halyqaralyq ASTANA ART FEST mádeni festivalindegi ekspozitsiialarmen tanysty.
Festivalda Qazaqstan, Resei, Frantsiia, Ýkraina, Ispaniia, AQSh, Germaniia, Armeniia, Japoniia jáne Ózbekstan elderinen kelgen 60-tan astam avtordyń týyndylary kópshilik nazaryna usynylady.
Sonymen qatar, Nursultan Nazarbaev Kenesary hanǵa arnalǵan eskertkishtiń janynda ornalasqan «Arbat» jaiaý júrginshi jolymen júrip ótti. Onda Memleket basshysy Qazaqstan qolónershileri teriden, kiizden, saz balshyqtan jáne aǵashtan jasaǵan biregei buiymdardy kórip, kóshe mýzykanttarynyń ónerin tamashalady.
Osy jerde elordadaǵy «Saryarqa» aýdanynyń ákimi Memleket basshysyn aýdan infraqurylymyn odan ári damytý josparymen tanystyrdy.
Qazaqstan Prezidenti elorda turǵyndarymen jáne qonaqtarymen áńgimelesti, sondai-aq barsha jurtty kele jatqan Astana kúnimen quttyqtap, olarǵa zor densaýlyq pen baq-bereke tiledi.
Sońynda Nursultan Nazarbaev Esil ózeniniń jaǵasynda lazerlik shoýdy tamashalady.
.jpeg)