QR Tuńǵysh Prezidenti-Elbasy Nursultan Nazarbaev «Astana Opera» teatrynda opera ánshisi Mariia Mýdriaktiń «Sen úshin, meniń Qazaqstanym!» atty jeke kontsertin tamashalady, dep habarlaidy "Ult aqparat" Elbasy saityna silteme jasap.
M.Mýdriak «Bolashaq» baǵdarlamasy boiynsha Milanda Joǵary mýzyka akademiiasynda bilim alǵan. Keiin Dj.Verdi atyndaǵy Memlekettik konservatoriiany sátti támamdady. Kóptegen halyqaralyq konkýrstardyń laýreaty. Búginde M. Mýdriak - ataǵy áigili teatrlardyń sahnalarynda óner kórsetip keledi jáne kórermen suranysyna ie opera ánshileriniń biri.
Búgingi kontsert QR Tuńǵysh Prezidenti kúni jáne el Táýelsizdiginiń 30 jyldyǵyna arnaldy. Merekelik baǵdarlamaǵa, sondai-aq bariton Vladimir Stoianov (Bolgariia) jáne «Astana Opera» teatrynyń simfoniialyq orkestri qatysty. Dirijer – Alvize Kazellati (Italiia).
Kontsert sońynda N.Nazarbaev M.Mýdriakpen áńgimelesti. Opera ánshisi Elbasymen aldaǵy shyǵarmashylyq josparlarymen bólisti. Atap aitsaq, M.Mýdriak Qazaqstanda taǵy birneshe kontsert berýdi josparlap otyr, sondai-aq EKSPO Dúniejúzilik kórmesi aiasynda BAÁ-de óner kórsetpek. QR Tuńǵysh Prezidenti opera ánshisiniń joǵary kásibi sheberligin atap ótip, oǵan shyǵarmashylyǵyna odan arǵy tabys tiledi.
