قر تۇڭعىش پرەزيدەنتٸ-ەلباسى نۇرسۇلتان نازارباەۆ «استانا وپەرا» تەاترىندا وپەرا ەنشٸسٸ مارييا مۋدرياكتٸڭ «سەن ٷشٸن, مەنٸڭ قازاقستانىم!» اتتى جەكە كونتسەرتٸن تاماشالادى, دەپ حابارلايدى "ۇلت اقپارات" ەلباسى سايتىنا سٸلتەمە جاساپ.
م.مۋدرياك «بولاشاق» باعدارلاماسى بويىنشا ميلاندا جوعارى مۋزىكا اكادەميياسىندا بٸلٸم العان. كەيٸن دج.ۆەردي اتىنداعى مەملەكەتتٸك كونسەرۆاتورييانى سەتتٸ تەمامدادى. كٶپتەگەن حالىقارالىق كونكۋرستاردىڭ لاۋرەاتى. بٷگٸندە م. مۋدرياك - اتاعى ەيگٸلٸ تەاترلاردىڭ ساحنالارىندا ٶنەر كٶرسەتٸپ كەلەدٸ جەنە كٶرەرمەن سۇرانىسىنا يە وپەرا ەنشٸلەرٸنٸڭ بٸرٸ.
بٷگٸنگٸ كونتسەرت قر تۇڭعىش پرەزيدەنتٸ كٷنٸ جەنە ەل تەۋەلسٸزدٸگٸنٸڭ 30 جىلدىعىنا ارنالدى. مەرەكەلٸك باعدارلاماعا, سونداي-اق باريتون ۆلاديمير ستويانوۆ (بولگارييا) جەنە «استانا وپەرا» تەاترىنىڭ سيمفونييالىق وركەسترٸ قاتىستى. ديريجەر – الۆيزە كازەللاتي (يتالييا).
كونتسەرت سوڭىندا ن.نازارباەۆ م.مۋدرياكپەن ەڭگٸمەلەستٸ. وپەرا ەنشٸسٸ ەلباسىمەن الداعى شىعارماشىلىق جوسپارلارىمەن بٶلٸستٸ. اتاپ ايتساق, م.مۋدرياك قازاقستاندا تاعى بٸرنەشە كونتسەرت بەرۋدٸ جوسپارلاپ وتىر, سونداي-اق ەكسپو دٷنيەجٷزٸلٸك كٶرمەسٸ اياسىندا باە-دە ٶنەر كٶرسەتپەك. قر تۇڭعىش پرەزيدەنتٸ وپەرا ەنشٸسٸنٸڭ جوعارى كەسٸبي شەبەرلٸگٸن اتاپ ٶتٸپ, وعان شىعارماشىلىعىنا ودان ارعى تابىس تٸلەدٸ.
