قازاقستاندا مەكتەپ وقۋشىلارىنىڭ امانداسۋ ەدەبٸنە قاتىستى ەدٸستەمەلٸك ۇسىنىمدار ەزٸرلەنەدٸ. بۇل جۇمىستى وقۋ-اعارتۋ مينيسترلٸگٸ قولعا الدى, دەپ حابارلايدى ult.kz.
وقۋ-اعارتۋ مينيسترٸ جۇلدىز سٷلەيمەنوۆا دەپۋتات ەرلان سايروۆتىڭ ساۋالىنا بەرگەن جاۋابىندا ى. التىنسارين اتىنداعى ۇلتتىق بٸلٸم اكادەميياسى ارنايى جۇمىس توبىن قۇرعانىن مەلٸمدەدٸ. ونىڭ قۇرامىنا عالىمدار, ساراپشىلار جەنە ازاماتتىق قوعام ٶكٸلدەرٸ كٸرگەن.
جۇمىس توبى وقۋشىلاردىڭ امانداسۋ ەدەبٸنە قاتىستى ەدٸستەمەلٸك ۇسىنىمدار دايىندايدى. قۇجاتتى ەزٸرلەۋ كەزٸندە بٸلٸم بەرۋ ٷدەرٸسٸنە قاتىسۋشىلاردىڭ, مٷددەلٸ تاراپتار مەن مەملەكەتتٸك ورگانداردىڭ ۇسىنىستارى ەسكەرٸلەدٸ. سونداي-اق جوبانى دەپۋتاتتارمەن قوسىمشا تالقىلاۋ جوسپارلانعان.
مينيسترلٸكتٸڭ مەلٸمەتٸنشە, ەلٸمٸزدٸڭ بارلىق بٸلٸم بەرۋ ۇيىمدارىندا «ادال ازامات» بٸرىڭعاي تەربيە باعدارلاماسى جٷزەگە اسىرىلىپ جاتىر. باعدارلاما ۇلتتىق جەنە جالپىادامزاتتىق قۇندىلىقتاردى دەرٸپتەۋگە, مٸنەز-قۇلىق مەدەنيەتٸن قالىپتاستىرۋعا, جاۋاپكەرشٸلٸك پەن ٶزارا قۇرمەتتٸ دامىتۋعا باعىتتالعان.
قازٸر باعدارلاما 20 877 بٸلٸم بەرۋ ۇيىمىندا قولدانىلادى. ونىڭ ٸشٸندە 12 066 مەكتەپكە دەيٸنگٸ ۇيىم, 8 048 مەكتەپ جەنە 763 كوللەدج بار.
مينيسترلٸك ٶكٸلدەرٸ امانداسۋ ەدەبٸنە قاتىستى ەرەجەلەر ۇلتتىق مەدەنيەت پەن دەستٷردٸ دەرٸپتەۋگە, ٷلكەندٸ قۇرمەتتەۋ, سىپايىلىق پەن ٶزارا سىيلاستىقتى قالىپتاستىرۋعا ىقپال ەتەدٸ دەپ ەسەپتەيدٸ.
بۇعان دەيٸن دەپۋتات ەرلان سايروۆ قازاقستاندا امانداسۋدىڭ ۇستامدى ٷلگٸسٸن قالىپتاستىرىپ, ونى الدىمەن مەكتەپتەردە ەنگٸزۋدٸ ۇسىنعان ەدٸ.
