Nursultan Nazarbaev «Astana Group» kompaniialar tobynyń prezidenti Nurlan Smaǵulovty qabyldady, dep habarlaidy Aqordanyń baspasóz qyzmeti.
Kezdesý barysynda Memleket basshysyna otandyq avtomobil ónerkásibin odan ári damytýǵa bailanysty tapsyrmalardyń oryndalýy jóninde málimet berildi.
Nurlan Smaǵulov Nursultan Nazarbaevqa «Astana Motors» kompaniiasynyń Almaty qalasynda «Hyundai» jeńil kóligin jasaý zaýytynyń qurylysyn bastaǵany jóninde baiandady.
«Kásiporynnyń qýaty alǵashqy kezeńde 30 myń avtomobil shyǵarýǵa jetedi. Al, kelesi kezeńde óndiris kólemi jylyna 45 myńǵa deiin artatyn bolady. Sonyń arqasynda Qazaqstan naryǵyn sapaly ári qoljetimdi «Hyundai» markaly jeńil avtomobilimen qamtamasyz etýge, sondai-aq kólikti TMD elderine eksporttaýǵa jol ashylady. Jobaǵa bólingen investitsiianyń jalpy kólemi - 25 milliard teńge. Buǵan óz qarajatymyzdan bólek kommertsiialyq talaptarǵa sai zaemdik qarjy tartylmaq. Zaýyt 700 jańa jumys ornyn ashýǵa múmkindik beredi», - dedi Nurlan Smaǵulov.
Kezdesý sońynda Nurlan Smaǵulov Memleket basshysyna Qazaqstan biznesine turaqty qoldaý kórsetip kele jatqany jáne «7-20-25» ipotekalyq turǵyn úi baǵdarlamasy siiaqty kólik salasyna nesie bólý baǵdarlamasy jóninde sheshim qabyldaǵany úshin alǵys aitty.
.jpeg)