Memleket basshysy Nursultan Nazarbaev Apple kompaniiasynyń negizin qalaýshylardyń biri Stiv Vozniakpen kezdesti, - dep habarlaidy Tengrinews.kz tilshisi Aqordaǵa silteme jasap.
Nursultan Nazarbaev Astana ekonomikalyq forýmyna qatysýǵa kelgeni úshin Vozniakqa rizashylyq bildirip, onyń plenarlyq otyrysta sóilegen sóziniń mazmundy ári ózekti bolǵanyn aitty.
Qazaqstan Prezidenti emissiialyq ortalyqtar arqyly baqylanbaityn kriptovaliýtalardyń paida bolý sebebi álemde bir ǵana valiýtanyń ústemdik etýine bailanysty ekenin aitty. Memleket basshysy Qazaqstan esep aiyrysý kezinde ulttyq valiýtamen qatar basqa da valiýtalardy paidalanatynyn atap ótti.
Vozniak osyndai joǵary deńgeidegi is-sharaǵa qatysýǵa, jahandyq syn-tegeýrinderge qatysty óz oiyn ortaǵa salýǵa múmkindik bergeni úshin Nursultan Nazarbaevqa alǵys bildirdi.
"Valiýtalardyń symsyz bailanystan aiyrmashylyǵy, eshqashan ýniversaldy bolǵan emes. Dei turǵanmen, kriptovaliýtalardyń úlken artyqshylyǵy olardyń baqylaýǵa alynbaityndyǵynda, damýynyń tejelmeitindiginde jáne ýniversaldy ári jahandyq valiýtaǵa ainalatyndyǵynda", - dedi kompaniia jetekshisi.
Kezdesý barysynda taraptar tsifrlandyrýdyń jekelegen máselelerin jáne kriptovaliýtalardy damytý perspektivalaryn talqylady.
