Memleket basshysy Nursultan Nazarbaev qazaqstandyqtardy Alǵys aitý kúnimen quttyqtady. Quttyqtaýdyń tolyq mátini tómendegidei.
Qurmetti otandastar!
Barshańyzdy Alǵys aitý kúnimen shyn júrekten quttyqtaimyn!
Bul mereke qiyn-qystaý jyldary qazaq halqynyń kórsetken qamqorlyǵy men meiirimdiliginiń umytylmaitynyn bildiredi.
Alǵys aitý kúni – ortaq tarihymyzǵa kórsetilgen qurmettiń, búkil qazaqstandyqtardyń óz shańyraǵyna ainalǵan kieli qazaq jerine degen rizashylyqtyń belgisi.
Táýelsizdik jyldarynda Qazaqstan halqynyń birligin nyǵaita otyryp, tatýlyq pen kelisimniń biregei úlgisin qalyptastyrdyq.
Qazirgi tańda biz aýqymdy jańǵyrtý baǵdarlamasyn júzege asyryp, halyqtyń ál-aýqatyn arttyrý úshin keshendi sharalardy qolǵa aldyq.
Yntymaqtastyq pen ózara kómek siiaqty berik qundylyqtar biriktirýshi kúshke ainalyp, elimizdiń bolashaǵyna degen nyq senim men jaýapkershilik sezimin qalyptastyrady.
Qazaqstandyqtardyń qazirgi býyny, ásirese jastar, tarihymyzdy bilip, este saqtaýy kerek. Tarih taǵylymy shynaiy patriotizm men birliktiń úlgisin kórsetedi.
Árqaisymyzdyń júregimizde ortaq jetistigimizge – órkendep kele jatqan Qazaqstanǵa degen maqtanysh pen rizashylyq sezimi uialai bersin!
Ár otbasyǵa baq-bereke, elimizge tatýlyq pen tynyshtyq tileimin!
