مەملەكەت باسشىسى نۇرسۇلتان نازارباەۆ قازاقستاندىقتاردى العىس ايتۋ كٷنٸمەن قۇتتىقتادى. قۇتتىقتاۋدىڭ تولىق مەتٸنٸ تٶمەندەگٸدەي.
قۇرمەتتٸ وتانداستار!
بارشاڭىزدى العىس ايتۋ كٷنٸمەن شىن جٷرەكتەن قۇتتىقتايمىن!
بۇل مەرەكە قيىن-قىستاۋ جىلدارى قازاق حالقىنىڭ كٶرسەتكەن قامقورلىعى مەن مەيٸرٸمدٸلٸگٸنٸڭ ۇمىتىلمايتىنىن بٸلدٸرەدٸ.
العىس ايتۋ كٷنٸ – ورتاق تاريحىمىزعا كٶرسەتٸلگەن قۇرمەتتٸڭ, بٷكٸل قازاقستاندىقتاردىڭ ٶز شاڭىراعىنا اينالعان كيەلٸ قازاق جەرٸنە دەگەن ريزاشىلىقتىڭ بەلگٸسٸ.
تەۋەلسٸزدٸك جىلدارىندا قازاقستان حالقىنىڭ بٸرلٸگٸن نىعايتا وتىرىپ, تاتۋلىق پەن كەلٸسٸمنٸڭ بٸرەگەي ٷلگٸسٸن قالىپتاستىردىق.
قازٸرگٸ تاڭدا بٸز اۋقىمدى جاڭعىرتۋ باعدارلاماسىن جٷزەگە اسىرىپ, حالىقتىڭ ەل-اۋقاتىن ارتتىرۋ ٷشٸن كەشەندٸ شارالاردى قولعا الدىق.
ىنتىماقتاستىق پەن ٶزارا كٶمەك سيياقتى بەرٸك قۇندىلىقتار بٸرٸكتٸرۋشٸ كٷشكە اينالىپ, ەلٸمٸزدٸڭ بولاشاعىنا دەگەن نىق سەنٸم مەن جاۋاپكەرشٸلٸك سەزٸمٸن قالىپتاستىرادى.
قازاقستاندىقتاردىڭ قازٸرگٸ بۋىنى, ەسٸرەسە جاستار, تاريحىمىزدى بٸلٸپ, ەستە ساقتاۋى كەرەك. تاريح تاعىلىمى شىنايى پاتريوتيزم مەن بٸرلٸكتٸڭ ٷلگٸسٸن كٶرسەتەدٸ.
ەرقايسىمىزدىڭ جٷرەگٸمٸزدە ورتاق جەتٸستٸگٸمٸزگە – ٶركەندەپ كەلە جاتقان قازاقستانعا دەگەن ماقتانىش پەن ريزاشىلىق سەزٸمٸ ۇيالاي بەرسٸن!
ەر وتباسىعا باق-بەرەكە, ەلٸمٸزگە تاتۋلىق پەن تىنىشتىق تٸلەيمٸن!
